Sjöundi mánuður stríðsglæpa en fátt um mótmæli á Íslandi

Best að halda áfram birtingu á samskiptum mínum við félagasamtök í vor þar sem ég hvatti þau til að skipuleggja mótmæli vegna innrásar rússa. Póstana sem ég senti má sjá hér, og svar ungliða hér. Hér fyrir neðan er svar frá stjórnmálaflokki.

Ég ætla mér ekki að nefna þessi félagasamtök, þau vita upp á sig skömmina, fyrir utan ein. Samtök hernaðarandstæðinga hafa enn ekki svarað, en hafa endurómað áróðurinn frá Kreml. Mín ályktun er að samtökin eru á móti NATO - ekki hernaði. 

Flokkurinn svaraði fljótlega eftir seinni póstinn, þann 28. apríl:

Sæll Axel

Takk fyrir póstinn og afsakaðu að ég hafi ekki svarað fyrri pósti en hann týndist í verkefnaflóði kosningabaráttu. Efnið er sannarlega mikilvægt og rétt að þú fáir svör.

Flokkurinn allur er önnum kafinn þessa dagana en *** framkvæmdastjóri þingflokks (hér í cc.) hefur boðist til að koma erindinu fyrir augu þingfólks. Gætirðu sent okkur símanúmerið þitt svo hægt væri að taka samtal þegar um hægist?


Bestu kveðjur,
***
Framkvæmdastjóri ***

 

Framkvæmdastjóranum svaraði ég svo:

Sæl *** og ***.

 

Því miður læt ég helst engan fá símanúmerið mitt. Persónuleg sérviska í mér, og þótt þið hefðuð þar er ekkert víst að ég geti svarað nema með sársauka öskrum suma daga.

Tölvupóstur hefur verið skásta leiðin til að ná í mig, þótt það geti tekið mig daga og versta falli tvær vikur eða svo að svara, allt eftir heilsu minni þau misserin.

 

Þakka ykkur fyrir að áframsenda póst minn til þingflokksins, en ég vil taka það fram að þingsályktun eða sameiginleg yfirlýsing ungliðahreyfinganna er ekki nægilegt þótt það hafið verið ágætt fyrsta skref fyrir 9 vikum síðan. Það er kominn tími til gjörða og sýna almennan stuðning með fjölda fólks. Ég veit það frá fyrstu hendi að þeir innflytjendur og flóttamenn sem hafa mótmælt síðustu vikur yrðu ánægð með að fá fleiri innfædda með sér í lið. Við höfum verið skammarlega fá. Það þarf 500 manns til þess að innfæddir jafni það góða fólk, 20.000 til að sýna að þetta skipti meira máli en Panamaskjölin.

 

Putin og aðrir stríðsglæpamenn munu ekki bíða þar til það hægist um hjá stjórnmálaflokkum. Ég hvet ykkur til að gera eitthvað sem fyrst. Það er það sem er rétt og manneskjulegt að gera, og getur verið skrautfjöður í hattinn fyrir kosningar.

 

Með kveðju

Axel Þór

 

Ég hef ekki heyrt meir frá þessum eða öðrum flokkum, og finnst sérstakt að sami póstur hafi yfirsést af svo mörgum.

Kalla eftir stríðsglæpadómstól vegna fjöldagrafanna

Það þurftu sex að líta á mig í gær

Ég var við rússneska sendiráðið í tvo tíma í gærmorgun, einn og án mikils hávaða. Á þeim stutta tíma komu sex mismunandi lögregluþjónar við, tveir þeirra fylgdust lengi með.

 

En ég ætla að nýta tækifærið og halda áfram með samskipti mín við félagasamtök og fjölmiðla. Endilega lítið á síðustu færslu fyrir byrjunina.

Fyrsta svar barst innan klukkutíma, þann 28. apríl:

Sæll Axel

Takk fyrir tölvupóstinn. Afsakið sein svör.
Meðfylgjandi er sameiginlega yfirlýsing ungliðahreyfinga stjórnmálaflokka vegna innrásar her yfirvalda Rússlands í Úkraínu. Undir hana skrifa samband ungra sjálfsstæðismanna, Ungir jafnaðarmenn, Ungir vinstri grænir, Ungir sósíalistar, Samband ungra framsóknarmanna, Uppreisn - Ungliðahreyfing Viðreisnar og Ungir píratar. Slíkar sameiginlegar ályktanir eru ekki oft birtar, en þegar þær eru það þá eru þær það einmitt vegna þess að málefnið telst brýnt og nauðsynlegt. Ályktunin er birt þann 27. febrúar.
Ástandið er Úkraínu er hryllilegt og framkoma Pútíns og hans taktík getur ekki kallast neitt annað en þjóðarmorð. Ályktunin á ekki minna við nú en þá.

Fyrir hönd ***
***
Ritari

 

Ungliðanum svaraði ég svo:

Sæl ***.

 

Eitt er í orði en annað á borði. Hvað hafið þið gert?

 

Ég hef ekki heyrt meir frá ungliðum.

Sérsveit og lögregla vakta rússneska sendiráðið

Loksins eru Íslendingar að rumska

Þann 27. mars, eftir enn ein mótmælin þar sem örfáir innfæddir mættu sendi ég eftirfarandi tölvupóst til nokkurra stjórnmálasamtaka og félagsskapar sem gefa sig út fyrir að vera á móti stríði.

Heil og sæl öll.

 

Ég sendi ykkur þennan póst þar sem þið voruð þau fyrstu sem mér datt í hug sem geta skipulagt alvöru mótmæli, eða getið komið þessum pósti áfram til hæfs fólks.

 

Í dag var gengið frá Hallgrímskirkju að Túngötu þar sem haldin voru stutt og helst til virðingafull mótmæli með ræðum á rússnesku, skilst mér. Ég tók ekki þátt í göngunni vegna fötlunar, og þegar ég mætti í Túngötu var fólk byrjað að tínast í burtu. Það var um klukkan 14:00, en gangan hófst 13:00.

Þarna var mest um innflytjendur og flóttafólk en lítið um innfædda, sem skýrir hversvegna mótmælin voru lágstemmd. Þau vilja ekki lenda í vandræðum eða valda þeim.

 

Ég var með „róttækt” pappaspjald sem á stóð „KILL PUTIN”, og stóð því örlítið frá hópnum þar sem skilaboðin voru frá mér.

Nokkrir ákváðu að standa með mér eftir að formlegum mótmælum var lokið. Ég fékk fleiri handabönd og faðmlög en ég átti von á, og fleiri þumalfingur en ég hef tölu á.

Á endanum vorum við bara tvö eftir, ég og ung kona sem flúði Donetsk ásamt barni árið 2014. Nokkrum árum síðar, eftir hrakningar, kom hún til Íslands og ætlar sér að búa hér áfram. Við vorum sammála um að það vantaði hávaða og alvöru mótmæli, ekki virðulegur ræður.

Aðrir höfðu látið skína í hið sama.

Lögreglan kom til okkar eftir að þau höfðu tekið til sitt dót til að láta okkur vita að þau væru að fara. En áður en þau fóru talaði konan við þau um áreitið og hótanir sem þau sem mótmæla verða fyrir bæði á netinu og í raunheimum frá almennum Rússum sem búa eða í það minnsta eru hér á landi.

 

Um klukkustund seinna eða svo kom einmitt einn drukkinn og illa lyktandi Rússi til að ónáða okkur. Þegar ég reyndi að fá hann til að fara, ýtti lauslega við honum með stafinum mínum til að fá hann til að standa lengra frá reyndi hann tvisvar að sparka til mín. Ég legg áherslu á reyndi því hann var vel drukkinn.

Sú Úkraínska tók megnið af þessu upp, en því miður skil ég ekki mikið af rússnesku. En í það minnsta get ég staðfest að það er sannarlega eitthvað áreiti í gangi.

 

En svo ég komi að meginmálinu þá myndi ég og fleiri vilja sjá STÓR mótmæli þar sem mikið er um innfædda með innflytjendum og flóttafólki.

Þessvegna í anda Harðar Torfasonar, ESB/Icesave, en helst samskonar og kom Sigmundi úr forsætisráðherrastólnum.

Persónulega vildi ég hræða sendiherrann.

 

Ég hef ekki mikið að bjóða ykkur þar sem ég hef misst mitt pólitíska tengslanet og bakland eftir að ég veiktist rétt fyrir alþingiskosningarnar 2013, en ég var og er enn einn þriggja stjórnarmanna (formanna) Samtaka Fullveldissinna - en þau eru í frosti sem stendur, og eins hef ég verið á lista Rauða Vettvangs eftir 2013 en neðarlega.

Heilsa mín er heldur ekki góð, hvorki líkamlega eða andlega og því óáræðanlegur, en ef þið þurfið aðstoð við að koma svona batteríi þá skal ég reyna mitt besta.

 

 

Virðingarfyllst og með bestu kveðjum til þeirra sem vilja kannast við mig.

Axel Þór Kolbeinsson

 

 

Mánuður leið án þess að ég fékk nokkurt svar, þannig að ég sendi pirraða ítrekun.

 

 Sæl aftur.

 

Nú er liðinn mánuður frá því að ég reyndi að hafa samband við ykkur, en ekkert heyrt né séð frá ykkur.

Heill mánuður af stríðsglæpum; óbreyttum borgurum slátrað, konum börnum og gamalmennum nauðgað - síendurtekið jafnvel, en frá ykkur ekkert annað en þögn.

Eins og þið eigið öll að vita þá er þögn hið sama og samþykki, og ég verð því að ganga út frá því að þið samþykkið voðaverkin - því sannarlega hafið þið ekki sýnt mótmæli í verki.

 

Ég get ekki haldið þessu leyndu frá samlöndum okkar, sérstaklega þegar svona stutt eru í kosningar. Hvorki því að sýna lágmarks kurteisi og svara málefnalegum póstum, né ætluðu samþykki ykkar.

 

Sama á við þau félagasamtök sem eru ekki í stjórnmálum en hafa gefið sig út fyrir að standa fyrir friði og mannréttindum.

 

Ef ég sé ykkur ekki sýna lit mun ég hafa samband við fjölmiðla fyrir lok næstu viku.

Njótið kosningabaráttunar.

 

Axel Þór

 

 Fyrsta svar barst innan við klukkutíma.

 

Ég hef ekki nefnt þessi félög ennþá, en mun halda áfram að birta samskipti mín við þau og fjölmiðla ef ekkert fer að gerast.

Þess ber að geta að á þessum tíma voru innfæddir með svið og mótmæli gegn sölu hluta Íslandsbanka á laugardögum, rétt eftir að mótmælum við Túngötu lauk. Fólk hefði getað farið að heiman klukkutíma fyrr og náð báðum mótmælunum, en það gerðu mjög fáir. Nú eða boðið Úkraínumönnum afnot af sviðinu.

Gagnrýna „ofsafengin viðbrögð“ lögregluyfirvalda

Borga ferðamenn ekki skatta?

Ég vissi ekki betur en að ferðamenn borguðu eldsneytisgjöld og virðisaukaskatt rétt eins og íbúar.

 

Að innheimta veggjöld en halda áfram með bensín skatta, eða bæta í, kemur efnafólki á rafmagnsbílum vel en er hörmung fyrir efnalaust fólk sem getur kannski keypt notaðan rafbíl eftir áratug eða svo. 

Erlendir ferðamenn verði að taka þátt í veggjöldum

Smá pæling

Ef Kína er svona annt um að innanríkismál ríkja komi öðrum ríkjum ekkert við, hversvegna eru þeir þá að skipta sér af íslendingi sem fáir þekkja og skrifar skoðanagreinar í dagblað sem fáir lesa?

Segja þvingunaraðgerðir byggðar á lygum

Mín skilaboð í kröfugöngunni

 

 

Takið það til sín sem eiga.

Áhrif peninga ein helsta ógn samfélagsins

Icesave, kjosum.is og stjórnmál

Réttast hefði verið að nefna Samtök Fullveldissinna ²fyrst verið var að tengja stjórnmálaflokka og Icesave saman, enda ákveðin tenging þar við undirskriftarsíðuna kjósum.is.

 

Fyrrum vefstjóri kjósum.is

 

 

P.s. Það er ekki hægt að ná í mig hér né á samfélagsmiðlum.

 

Átti að vera tengt við þessa frétt.

Bæjarráð Hafnarfjarðar þarf að breyta aðalskipulagi.

Ef bæjarráð Hafnarfjarðar Vill láta tvöfalda Reykjanesbraut verður ráðið fyrst að breyta aðalskipulagi (stór PDF skrá). Annars er ráðið ekki að óska eftir tvöföldun, heldur að Reykjanesbraut verði færð til suðurs.

Það er engin tilviljun að framkvæmdum við tvöföldun hefur lokið við sveitarfélagsmörk Hafnarfjarðar, beggja megin.

Skora á þingmenn

Virða umferðarreglur

Ég vil prívat og persónulega hvetja fólk að fara eftir umferðarreglum, og þá sérstaklega að aka ekki inn á gatnamót nema sjáanlegt sé að maður komist yfir.  Þegar ökumenn hafa þurft að bíða yfir 3-5 græn ljós fer ergelsi að myndast sem leiðir til slæmra ákvarðanna og aukinnar slysahættu.

Annars tel ég að leggja ætti meira fjármagn í umferðarlögregluna og taka harðar á brotum eins og því sem ég áður nefndi, og eins brotum á hægri reglu og notkun stefnuljósa o.sv.frv. og koma í lög ákvæði sem heimilar lögreglu að skylda ökumenn til að taka ökupróf upp á nýtt.

Mun gerbreyta umferðinni

Helgarferð hjónanna

Nú veit ég ekkert um raunir þessa fólks sem talað er um í greininni, en för okkurrar hjóna umhverfis landið var þannig að í hvert skipti sem við stoppuðum fór helmingur tímans í að tína upp alls konar rusl; sígarettustubbar og klósettpappír þar vinsælast. Eitthvað þekki ég það rusl frá samlöndum mínum, en aldrei áður hef ég séð eins mikið. Eins keyrðum við fram á erlendan mann míga í runna við hliðina á tveim kömrum sem hafa verið settir upp við brúnna yfir Jökulsá á dal.

Ekki get ég sagt til um hvernig hefur verið umhorfs við vinsælustu ferðamannastaðina á suður- eða norðurlandi því þar voru engin bílastæði laus, og þótt þau hefðu verið þá hefði ekki viljað sjá þá staði öðruvísi en í minningunni úr því sem komið er.

 

Eitt verð ég að bæta við hér neðanmáls, en það er að salernið sem er risið við Helgustaðarnámu er vel út garði gert og umhverfið allt snyrtilegt. Það er mín von að ekki verði byggð bílastæði fyrir tugi rútna og hundrað bíla ásamt rúllustiga til að hleypa enn fleirum með þjófna fingur upp í námuna.

En nú er svo komið að fyrir okkur sem erum komin á miðjan aldur og höfum ferðast árlega um landið að best er að vaka og ferðast á nóttunni og sofa yfir hádaginn til að hafa einhverja nautn af.

Urðu fyrir aðkasti í húsbíl