. - Hausmynd

.

Vá!

Miðað við kannanir SÁÁ um götuverð vímuefna getum við gefið okkur að eitt gram kosti 5.000kr, sem þýðir að á hverju ári eyða íslendingar 1.447.315.000kr í amfetamín, eða tæpum einum og hálfum milljarði.  En í fréttinni er talað um að þessi 264kg séu næstum öll ársneysla íslenska markaðarins.

Og þetta er bara amfetamínið...


mbl.is 8 ára fangelsi fyrir fíkniefnasmygl
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Hefði ekki verið betra bara að hella þessu niður, senda konuna úr landi og spara tíma og peninga sem fóru í þessa rannsókn og gæsluvarðhaldið.. þetta var ekki einusinni tilbúið amfetamín og 8 ár er sjúklega hart og óviðunandi í þessu tilfelli.

Jón 24.11.2010 kl. 11:33

2 Smámynd: corvus corax

Átta ár fyrir fíkniefnasmygl er harður dómur, ekki síst í ljósi þess að menn fá kannski tvö til fjögur ár fyrir að nauðga börnum ítrekað og árum saman. En skýringin liggur auðvitað í því að hér er um útlending að ræða. Íslendingar fá undantekningalaust u.þ.b. helmingi styttri dóma bara út á þjóðernið.

corvus corax, 24.11.2010 kl. 13:14

3 Smámynd: Axel Þór Kolbeinsson

Reyndar eru þetta svipaðir dómar og áður hafa fallið þar sem um er að ræða svona mikið magn.  Það vill bara þannig til að í flest skiptin hafa það verið erlend burðardýr sam hafa náðst.  Svo má lengi deila um það hvort lagaramminn sé eðlilegur þegar miðað er við t.d. ofbeldisglæpi.

Þessi kona mun fá reynslulausn eftir 5 ár, en miðað er við að fangar sitji af sér 2/3 hluta refsingar, og mögulega mun hún fá að afplána hluta í sínu heimalandi ef hún óskar þess og yfirvöld hér og í Þýskalandi samþykkja það.

Axel Þór Kolbeinsson, 24.11.2010 kl. 13:22

4 Smámynd: Guðmundur Ásgeirsson

Merkilegar efnahagslegar stærðir.

Það gæti verið forvitnilegt viðfangsefni að reyna að áætla árlega veltu á ólöglega lyfjamarkaðnum í heild. Og telja þá með afleidda veltu, svosem vegna kostnaðar við framleiðslu og smygl vímuefna, kostnað heilbrigðiskerfisins vegna handrukkana, ofskammta og annars líkamstjóns, (meintan) kostnað löggæslu við að (sýnast) framfylgja bannstefnunni, kostnað við forvarnir og annan áróður, o.s.frv. Kosningabaráttur heilu stjórnmálaflokkanna hafa jafnvel verið byggðar á þessu eina málefni, með öllum þeim peningamokstri sem því fylgir.

Ef ég ætti að giska út í bláinn, þá myndi ég skjóta á að talan hlaupi a.m.k. á tugum milljarða. Stór hluti þeirrar upphæðar er bein afleiðing af bannstefnunni sem skiptist bróðurlega milli þeirra sem hafa atvinnu af þessu öllu, s.s. smyglarar, fíkniefnasalar, handrukkarar, flutningafyrirtæki, auglýsingastofur, ýmsar verslanir, lögreglan, tollverðir, heilbrigðisstarfsfólk og aðrir ríkisstarfsmenn. Og síðast en ekki síst bankakerfið sem sér um peningaþvottinn og er að öllu jöfnu sá geiri sem græðir mest allra á hverskonar ólöglegum viðskiptum.

Guðmundur Ásgeirsson, 25.11.2010 kl. 03:44

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Axel Þór Kolbeinsson
Axel Þór Kolbeinsson

Smellið á höfundarmynd til að lesa skilmála athugasemda.

Translate

Translate

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband