Áframhald á morgun

• Klukkan 9:30 við Stjórnarráðið
• Klukkan 12:00 við Seðlabankann
• Klukkan 18:00 á Austurvelli

Þetta er það sem ég veit af, en gæti verið eitthvað meira.  Vonandi kemst Ellen aftur á morgun.

Æsir upp í manni réttlætiskenndina

Athugasemdir

[Valsól 5.7.2010 kl. 20:31]

Því í fjandanum var ekki tækifærið notað til að krefjast leiðréttingar fyrir ÖLL lán almennings bæði gengis- og verðtryggð lán við dóm Hæstaréttar? Ástæðan er reyndar einföld, það fór af stað lottóæði þeirra sem eru með gengistryggðu lánin og fara þeir nú fram með offorsi til að ná ekki bara fram vísitölulausum lánakjörum, heldur til að fá nánast allt niðurfellt og inneign í þokkabót. Þetta mun gera það að verkum að ALDREI mun verða farið í neina leiðréttingu á öðrum lánum. (Tek það fram að ég sjálfur kem til með að hagnast mjög vel ef dómur Hæstaréttar fær að standa, ég hins vegar kæri mig ekki um að fá þennan gróða á kostnað þess að ekki verði farið í leiðréttingu á verðtryggðum lánum). Ég vill leiðréttingu á ÖLLUM lánum, ekki bara gengistryggðum. Sorglegt að ekki skuli nást samstaða í þeirri kröfu vegna græðgi.

[Axel Þór Kolbeinsson, 5.7.2010 kl. 20:40]

Ég mæti þarna vegna íhlutunar þessarra stofnanna í fallinn dóm Hæstaréttar.  Ef þessar stofnanir myndu gera slíkt hið sama ef Hæstiréttur dæmdi almenna verðtryggingu ólögmæta væri ég líka á staðnum.

Ég tók aldrei lán í öðrum gjaldmiðlum en isk, þannig að fyrir mér snýst þetta eingöngu um það að með lögum skal land byggja, og Seðlabanka og FME ber að fara eftir lögum.

[Axel Þór Kolbeinsson, 5.7.2010 kl. 20:45]

Kannski best að bæta því við að ég er ekki hrifinn af spami eins og hér fyrir ofan, og væri vís með að banna þá notendur sem gera það reglulega (líkt og Valsól).

[Eva Sól 5.7.2010 kl. 21:48]

ÉG tek undir það :-)

[Svenni 5.7.2010 kl. 22:29]

Er það að rétta hag almennings að gefa fólki upp skuldir sínar ef það var með myntkörfu en láta okkur hin sem tókum lán með verðtryggingu sitja uppi með okkar ?  Er ég sá eini sem man þegar ég stóð frammi fyrir því að velja í milli myntkörfu og verðtryggingar og valdi verðtrygginguna afþví hin voru svo áhættusöm ? Eiga svo þeir sem völdu það að fá óverðtryggð lán með 3% vöxtum ?  Finnst ykkur þetta virkilega sanngjarnt ?

[Axel Þór Kolbeinsson, 5.7.2010 kl. 22:37]

Lastu athugasemd nr.2 áður en þú peistaðir inn sömu athugasemd hérna og þú hefur gert við mörg önnur blog tengd við þessa frétt Svenni?

[Sigurður Haraldsson, 5.7.2010 kl. 23:10]

Vildi að ég gæti mætt til ykkar en verð með ykkur í huganum, standið ykkur og berjist fyrir réttlætinu!

[Guðmundur Ásgeirsson, 6.7.2010 kl. 01:55]

Svenni: ertu í alvörunni öfundsjúkur yfir því að lög voru ekki brotin á þér? Hefðirðu frekar viljað vera fórnarlamb skipulagðrar glæpastarfsemi? Ég get alveg lofað þér að um leið og lög og regla eru lögð til hliðar þá mun lánastaðan verða minnsta áhyggjuefnið fyrir þig!

[Valsól 6.7.2010 kl. 08:48]

Ég botna ekki þitt réttlæti. Öll stjórnsýsla var spillt og allar forsendur brustu við hrunið, þess vegna verðum við að taka afleiðingunum saman og deila kostnaði og öllu uppgjöri. Því sting ég upp á að þetta tækifæri verði nptað til að krefjast leiðréttingar fyrir ÖLL lán á Íslandi.

(Tek það fram að ég sjálfur kem til með að hagnast mjög vel ef dómur Hæstaréttar fær að standa, ég hins vegar kæri mig ekki um að fá þennan gróða á kostnað þess að ekki verði farið í leiðréttingu á verðtryggðum lánum).

[Axel Þór Kolbeinsson, 6.7.2010 kl. 13:56]

Það er mál fyrir dómi Valsól, varðandi almenna verðtryggingu sem gæti skilað sér í bættum kjörum fyrir þá sem eru með þess háttar lán.  Ef Seðlabankinn og FME hegðar sér eins varðandi dóm í því máli, falli það lántakanda í vil, verð ég aftur fyrstur til að mótmæla.

[Guðmundur Ásgeirsson, 6.7.2010 kl. 21:18]

Halelúja. Ég er svo innilega sammála tveimur síðustu ummælum, frá Valsól og Axel. Enda lem ég jafn fast í pottana á mótmælum hvort sem það er gegn gengistryggingu eða verðtryggingu, eða bara spillingu og óréttlæti almennt.