Líf án vatns

Í gær var samþykkt hjá allsherjarþingi Sameinuðu þjóðanna tímamótayfirlýsing um að aðgangur að hreinu drykkjarvatni séu almenn mannréttindi.  Í raun er aðgangur að drykkjarvatni mun meira en mannréttindi þar sem mannskepnan getur ekki lifað meir en þrjá daga án vatns.

Atkvæðagreiðslan fór þannig fram að 122 ríki samþykktu tillöguna, 41 ríki sat hjá og 29 voru ekki viðstödd.  Lýðveldið Ísland var eitt þeirra ríkja sem einhverra hluta vegna var ekki tilbúið að samþykkja það að aðgangur að vatni séu sjálfsögð mannréttindi sem er ekkert annað en hneisa.  Þegar á landinu er svokölluð "rauð-græn" ríkisstjórn sem ætti að taka vel í svona mál ákveða þau að skila auðu.  Telur ríkisstjórn íslands það ekki vera mannréttindi að íbúar landsins hafi aðgang að hreinu drykkjarvatni og að íbúar alls heimsins ættu að búa við sömu manréttindi?  Svar óskast.

Ísland sat hjá á þingi SÞ

Athugasemdir

[Jón Óskarsson 29.7.2010 kl. 09:58]

Tóku embættismenn fram fyrir hendur stjórnmálamanna?

[Axel Þór Kolbeinsson, 29.7.2010 kl. 09:59]

Það er líka góð spurning.

[Guðmundur Ásgeirsson, 29.7.2010 kl. 10:12]

Á borgarafundi um Magma málið í gærkvöldi kom fram að vatnsréttindi eru ekki þjóðareign á Íslandi, heldur á forræði hvers sveitarfélags fyrir sig. Hér eru tilvitnanir úr vatnalögum:

4. gr. Eignarréttur að vatni. Fasteign hverri, þar með talið þjóðlendu, fylgir eignarréttur að því vatni sem á henni eða undir henni er eða um hana rennur.

15. gr. Forgangur að vatni. ...Sveitarfélag skal hafa forgangsrétt til töku vatns til vatnsveitu á eftir heimilis- og búsþörfum fasteignareigenda...

[Axel Þór Kolbeinsson, 29.7.2010 kl. 10:20]

Það er í sjálfu sér ekki í andstöðu við yfirlýsingu Sameinuðu Þjóðanna því þar er talað um öruggt, hreint, aðgengilegt og á viðráðanlegu verði.

...provide safe, clean, accessible and affordable drinking water and sanitation for all.

Ég tek eftir því að aðrir sem hafa bloggað við þessa frétt taka því sem svo að vatn eigi að vera skaffað frítt, en það er ekki talað um það í yfirlýsingunni, heldur að aðgangur að vatni eigi að vera á viðráðanlegu verði fyrir alla.

[Guðmundur Ásgeirsson, 29.7.2010 kl. 10:47]

Viðráðanlegt verð fyrir þann sem er blankur er 0,- kr./l

[Axel Þór Kolbeinsson, 29.7.2010 kl. 10:52]

Jamm, en það er samt alltaf einhver sem borgar fyrir vatnið eða dreifinguna á því hvort sem það er bein gjaldtaka eða í skattheimtunni.

[Jón Logi 29.7.2010 kl. 20:42]

Stendur nokkurs staðar í yfirlýsingunni að vatnslindir verði þar með heimseign? Nú eða þeir sem eigi nóg af hjáflæði af til-þess-að-gera-hreinu H2O skuli skaffa öðrum sisvona? Held ekki.....

Annars er hellingur til af vatni, bara ekki alltaf á réttum stað, og sýnist mér nú að gjörningurinn snúist um umbætur í vatnsmálum heimsins frekar en að til standi að tappa af öllu ferskvatni landans beint við ósa og fljúga því á brott.

Sjór er 70% + af yfirborði jarðar, og er t.a.m. notaður sem drykkjarvatn í Dubai. Læt ég það eftir klárum kollum að átta sig á því hvernig það getur verið....hvað þá á svo dýrum stað. (Hann er reyndar passlega saltur til suðu á núðlum)

En þar sem mest vantar vatn er oft fátækt og fjarlægð við vatn sem veldur. Finnst mér því afstaða Íslendinga í málinu algerlega afkáraleg, og það sérdeilis í miðri MAGMA deilunni.