Áróðursrit

Undanfarnar vikur hef ég kynnst fréttamiðlum landsins og hvernig þeir vinna, og mér finnst eins og Fréttatíminn, Fréttablaðið, DV og Eyjan vera rekin meira sem áróðursrit fyrir ákveðinni pólitískri skoðun frekar en fréttamiðlar.

Nú á einhver eftir að koma hér inn og spyrja hvort Morgunblaðið/mbl.is sé ekki rekinn á samskonar forsendum og því vil ég svara því áður.  Morgunblaðið/mbl.is litast af ákveðnum pólitískum skoðunum en frá mínum bæjardyrum séð rekið meira sem fréttamiðill.  Þar komast andstæð sjónarmið að í meira mæli og minna um að ekki sé haft samband við alla þá sem fréttin fjallar um.

Þetta er mín skoðun.

Sigmundur Davíð gerir grein fyrir námsferli

Athugasemdir

[Umrenningur, 15.4.2011 kl. 13:55]

Það er að minnsta kosti töluverður skortur á fréttaskáldum hjá mbl en offramboð af slíkum skáldu á þeim miðlum sem þú taldir upp.

[Jón Snæbjörnsson, 15.4.2011 kl. 14:30]

ekki nokkur ástæða til að hengja þetta á mbl frekar en aðra fjölmiðla - þetta sýnir bara hversu umræðan hjá "okkur" er á lágu plani - hverjum er ekki sama hvað hann er menntaður - er þó ánægður að vita að hann er ekki einn af þessul "löglærðu" sem fljóta út um allt í dag og lítið vita; nei

þó svo hann væri algjörlega ómenntaður en með verkvit þá dygði það mér - kalla ekki sérstaklega eftir gráðum sem svo oft ekki virka neitt.

[Umrenningur, 15.4.2011 kl. 14:40]

Ég tek að fullu undir með Jóni. Sem dæmi þá var ég verkstæðisformaður á tölvuverkstæði fyrir nokkurum árum og mínir bestu starfsmenn voru sjálfmenntaðir en þeir bókmenntuðu höfðu allt á hreinu, þar til kom að óvenjulegum og óútskíranlegum bilunum þá voru það þeir ómenntuðu sem sem drógu hina í land.

[Axel Þór Kolbeinsson, 15.4.2011 kl. 14:56]

Mér gæti ekki verið meira sama hvað eða hvort Sigmundur Davíð er menntaður.  En mín skoðun á þeim fréttamiðlum sem ég taldi hér upp mun ekki skána í bráð.

[Eiður Ragnarsson, 15.4.2011 kl. 16:28]

Ekki verður bókvitið í askana látið, segir gamall íslenskur málsháttur.. þessi málháttur lýsir reyndar fordómum í garð menntunar, en segir einnig að menntun sé ekki allt, brjóstvit eða hyggjuvit þarf að vera til staðar einnig..