Minni á fund í kvöld

Ég vil minna fólk á fund Samtaka Fullveldissinna í kvöld.

Rætt verður um afstöðu þingsins til ESB og hvort meirihluti sé til staðar.  Einnig verður rætt um Icesave á sömu forsendum.  Einhverjir þingmenn hafa boðað komu sína sem óvæntir gestir.

Sunnudagskvöldið 12. júlí kl. 20:00 munu Samtök Fullveldissinna halda opinn spjallfund í kjallaranum á Kaffi Rót í Hafnarstræti 17, Reykjavík.
Umræðuefnið mun vera ESB og tengd málefni.  Búist er við góðum gestum.

 

Hjáseta kann að ráða úrslitum

Athugasemdir

[Páll Blöndal, 12.7.2009 kl. 12:36]

Úrdráttur
Samstarfsyfirlýsing ríkisstjórnar
Samfylkingarinnar og Vinstrihreyfingarinnar – græns framboðs
Utanríkis- og Evrópumál
"Ákvörðun um aðild Íslands að Evrópusambandinu verði í höndum íslensku þjóðarinnar sem mun greiða atkvæði um samning í þjóðaratkvæðagreiðslu að loknum aðildarviðræðum. Utanríkisráðherra mun leggja fram á Alþingi tillögu um aðildarumsókn að Evrópusambandinu á vorþingi. Stuðningur stjórnvalda við samninginn þegar hann liggur fyrir er háður ýmsum fyrirvörum um niðurstöðuna út frá hagsmunum Íslendinga í sjávarútvegs-, landbúnaðar-, byggða- og gjaldmiðilsmálum, í umhverfis- og auðlindamálum og um almannaþjónustu."

[Axel Þór Kolbeinsson, 12.7.2009 kl. 13:22]

Já Páll, enginn efast um að flokkarnir séu að vinna eftir stjórnarsáttmálanum.  En hvernig var með stefnumál flokkanna fyrir fosningar?

Annars á þessi athugasemd eiginlega ekki við færsluna mína þótt hún passi við hinar tugi færsla sem hún hefur birst við.

[Páll Blöndal, 12.7.2009 kl. 13:36]

Ég setti þessa athugasemd inn hreinlega vegna þess að menn tala hér
eins og enginn stjórnarsáttmáli hafi verið gerður.
Vinstri græni hlaupa upp í sveit  og muna greinilega ekkert eftir því sem þeir skrifuðu undir fyrir tæpum 2 mánuðum.

[Axel Þór Kolbeinsson, 12.7.2009 kl. 13:39]

5 þingmenn VG létu líka bóka andstöðu sína við þetta atriði og talað var um að málið fengi þingræðislega meðferð þar sem þingmenn væru eingöngu bundnir af eigin sannfæringu.

[Páll Blöndal, 12.7.2009 kl. 15:01]

OK, ef þessir 5 þingmenn VG vilja fara eftir sannfæringu sinni
þá er þeim frjálst að gera svo.
En VG er valið.
Samfylkingin stendur við sitt loforð. Ekki satt?

[Axel Þór Kolbeinsson, 12.7.2009 kl. 16:23]

Ég get ekki betur séð Páll að Samfylkingin sé að fara eftir sínum kosningaloforðum, eins illa og mér er við þau.  Hinsvegar virðist sem VG hafi gefið mikið eftir af sínum loforðum til að getað myndað stjórn og ég veit það að mörgum kjósendum VG og félögum í VG eru ekki hrifnir af því.

Ég hinsvegar styð það að þingmenn fari eftir sinni sannfæringu, sérstaklega þegar stjórnarsáttmáli kveður á um það og téðir þingmenn eru ekki í stjórninni sjálfri (þ.e. ekki ráðherrar).

Helsti vandi okkar stjórnkerfis er einmitt þetta mikla vald sem framkvæmdavaldið hefur yfir löggjafar og dómsvaldi.

[Axel Þór Kolbeinsson, 12.7.2009 kl. 16:24]

Annars verður þú að afsaka ef ég skyldi ekki svara þér aftur í dag, en ég hef fund til að undirbúa.

[Páll Blöndal, 12.7.2009 kl. 17:15]

Ef 5 af 14 þingmönnum VG treysta sér ekki í þessa vegferð,
er þá ekki hreinlegast og heiðarlegast af þeim að segja
sig frá þessu samstarfi?

En megir þú annars hafa góðan og gagnlegan fund í kvöld.