. - Hausmynd

.

Hryðjuverkahús

Palestínsk hryðjuverkahús

halda áfram árásum á ísraelskar jarðvinnuvélar

sem eiga engan annan kost en að verja sig

til hins ýtrasta.


mbl.is Hert öryggisgæsla við Alþingishúsið
Tilkynna um óviðeigandi tengingu við frétt

Þrjár miðaldra konur

Þrjár miðaldra konur fóru í utanlandsferð og sýndu að utanríkisráðuneytið er offjármagnað.


mbl.is Bjarni: „Allt saman alrangt“
Tilkynna um óviðeigandi tengingu við frétt

Bibi

Þetta er ekki sjálfsvörn,

þetta er ekki hefnd.

Þetta er hrein heift.


Ekki fjallvegur

Alveg óháð mögulegum vegabótum, þá finnst mér ekki rétt að kalla veginn meðfram Reynisfjalli fjallveg og ég hef líka heyrt heimafólk kalla þennan spotta hálendisveg.

Vegurinn liggur hæst í tæplega 120 metra hæð yfir sjávarmáli, en til samanburðar þá eru efstu byggðir höfuðborgarsvæðisins í um 140 metra hæð, vegurinn yfir Hellisheiði 375 metra hæð, vegurinn um Öxnadalsheiði er í um 540 metra hæð, þorpið Reykjahlíð við mývatn er í um 300 metra hæð yfir sjávarmáli og vegurinn yfir Fjarðarheiði liggur í um 620 metra hæð yfir sjávarmáli.

Mér finnst persónulega að vegur verði að liggja í það minnsta í yfir 300 metra hæð til þess að geta talist fjallvegur. Samt mun ég seint getað talað um Hellisheiði sem fjallveg, þar sem ég bjó um tíma í Neskaupstað og keyrði reglulega um göngin í Oddskarði sem liggja í rúmlega 630 metra hæð yfir sjávarmáli.


mbl.is Reynisfjallsgöng eini kosturinn
Tilkynna um óviðeigandi tengingu við frétt

Það er ýmslegt mögulegt

Það eru margir vægari möguleikar í stöðunni en viðskiptabann og það að rjúfa öll diplómatísk tengsl. Það fyrsta sem mér dettur í hug er að taka upp vegabréfsáritanir fyrir ísraelska ríkisborgara aftur, eða bjóða einhvern ráðamann palestísku ríkisstjórnarinnar í opinbera heimsókn.

Það að sýna samhug, samúð og mennsku þarf ekki endilega að kosta mikið en er það sem almenningur í Palestínu þarfnast mun meir en einhver fjárhagsaðstoð - þótt hún hjálpi. Þannig aðstoð myndi vekja athygli og umtal, rétt eins og þegar við lokuðum sendiráði okkar í Moskvu.


mbl.is Einhliða aðgerðir Íslendinga myndu engu skila
Tilkynna um óviðeigandi tengingu við frétt

Bölvaður aumingjaskapur

Hann er merkilegur þessi aumingjaskapur hjá íslenskum ráðamönnum. Þetta er ekki í fyrsta skipti sem ráðamenn fá einhverju kastað í sig, og glimmerið ekki það versta. Skyr, egg og öðrum matvælum hefur oft verið kastað í þau, stundum í hörðum plastumbúðum. Að nota atvik þar sem einhverju sem leikskólakrakki gæti hent í kennara eða foreldri til þess að gera að einhverju öryggismáli og koma á öryggisgæslu fyrir ráherra, lífverði myndu einhverjir kalla það, er eitthvað sem ætti að vera í alfræðiriti sem dæmi um það að gera úlfalda úr mýflugu.

Aumingjaskapur og ekkert annað.

 

Eins það að fá erlenda diplómata til að tengja mótmælendur við Hamas er lágkúra. Langflestir þeirra þúsund manna sem komu saman í gær hafa enga samúð með því liði, heldur samúð með almennum borgurum í Palestínu.


mbl.is Herða öryggi á helfararsamkomu
Tilkynna um óviðeigandi tengingu við frétt

Hálft skref í rétta átt

Þau sem hafa fylgst eitthvað með mér hafa tekið eftir fyrri færslum mínum þar sem ég haf endurbirt tölvupósta sem ég hef sent stjórnvöldum, stjórnmálafólki og félagasamtökum.

Ég bendi áhugasömum á að lesa síðustu færslur.

 

En til að koma mér að kjarna málsins, þá er næsta skref að opna sendiráð í Kyiv. Því fyrr því betra.


mbl.is „Hálft skref í staðinn fyr­ir heilt“
Tilkynna um óviðeigandi tengingu við frétt

Varðandi sendiráð rússa og sendiráð okkar í Moskvu.

Eftirfarandi tölvupóstar voru sendir til utanríkisráðuneytisins, valinna ráðherra og þingmanna:

 

30 Sept 2022, 14:54

Góðan dag.

Ég legg sterklega til að sendiráðið í Moskvu verði flutt til Kænugarðs í Úkraínu, og að það taki yfir málefni Úkraínu frá sendiráðinu í Helsinki, og að Helsinki taki við málefnum rússlands.

Það eru lítil viðskipti við rússa í dag, og á Íslandi eru allt að tífalt fleiri úkraínskir ríkisborgarar er rússneskir. Það má því færa rök fyrir því að hagsmunir Íslands séu meiri í Úkraínu en rússlandi.

 

24 Feb 2023, 11:51

Góðan dag.

Í tilefni dagsins langar mig að leggja þessa hugmynd um sendiráðin til aftur, ásamt því að hvetja til þess að algert viðskiptabann á rússa sé alvarlega íhugað. Það eru ekki mikil viðskipti milli landanna í dag og algert viðskiptabann sendir mjög sterk skilaboð frá Íslandi til umheimsins.

Eins hvet ég ykkur til að íhuga tillögu Björns Bjarnasonar um að vísa sendiherra rússa úr landi.

Virðingarfyllst
Axel Þór Kolbeinsson


mbl.is Enn sýna Rússar Íslandi lítilsvirðingu
Tilkynna um óviðeigandi tengingu við frétt

Rúmlega fjögur andlát hverja viku.

Síðan íslendingar þreyttir á að bera grímu fengu það í gegn að öllum takmörkunum væri sleppt hefur fólk verið að deyja úr Covid hægri-vinstri.

Maður getur ekki annað en velt því fyrir sér hversu margir færri hefðu látist ef fólk hefði bara gengið með grímur í matvöruverslunum,apótekum og almenningssamgöngum - án annarra takmarkana. Eins hvort þessi dauðsföll séu ásættanlegur fórnarkostnaður...

 

 


mbl.is 238 andlát vegna Covid-19 frá upphafi faraldursins
Tilkynna um óviðeigandi tengingu við frétt

Næsta síða »

Höfundur

Axel Þór Kolbeinsson
Axel Þór Kolbeinsson

Smellið á höfundarmynd til að lesa skilmála athugasemda.

Translate

Translate

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband