Allt að 4.800 gætu látist.

Þetta er svakalegt áhættumat ef það gengur eftir.  Ef helmingur þjóðarinnar sýkist og segjum 10% þurfi sjúkrahúsvist vegna hennar þá er það um 16.000 manns.  Og ef það gengur eftir að 3% þeirra sem sýkist látist þá gerir það 4.800 manns.

Ja hérna hér...

Búist við að helmingur þjóðarinnar gæti sýkst

Athugasemdir

[ebh 27.4.2009 kl. 11:35]

ertu ekki að rugla við 30%

[Umrenningur, 27.4.2009 kl. 11:36]

Vá! Ef þetta áhættumat er rétt þá er þetta svakalegt. Nú er gott að búa á eyju út í ballarhafi og geta einangrað okkur frá umheiminum eða að minnsta kosti getað stýrt umferð til og frá landinu.

[hilmar jónsson, 27.4.2009 kl. 11:46]

Já ekki hljómar það gæfulega.

[Axel Þór Kolbeinsson, 27.4.2009 kl. 11:49]

ebh:  Helmingur þjóðarinnar er um 160.000.  3% af 160.000 er 4.800, 30% væru 48.000 og vonandi verður engin flensa það slæm.

[Axel Þór Kolbeinsson, 27.4.2009 kl. 15:29]

Við skulum vona það Jóhanna að þetta sé bara fjölmiðlaflensa eins og fuglaflensan var.  En ólíkt fuglaflensunni virðist sem þessi svínaflensa (sem er stökkbreyttur blendingur af svína- fugla- og mannaflensu) smitist manna á milli.

Ég er samt ekki farinn að byrgja mig upp af flöskuvatni og dósamat eins og sumir kanar.

[Harpa 27.4.2009 kl. 18:07]

Það að fuglaflensan hafi ekki enn orðið að faraldri segir ekki að hún muni aldrei verða það. Veiran notast við ákveðna viðtaka á yfirborði frumna til að komast inn í frumur. Þessa viðtaka er ekki að finna í mannafrumum, en þeir finnast td í fugla- og svínafrumum. Að auki hafa svínafrumur einnig samskonar viðtaka og er að finna í mannafrumum svo að ótti manna um að fuglaflensan kæmist í svín og stökkbreyttist þannig að hún gæti smitað menn og dreifst sér á milli þeirra var ekki að ástæðulausu.

Nú veit ég ekki hvaða serótýpa af inflúensuveiru þetta er sem er kölluð svínaflensan en það gæti alveg hugsanlega verið að hún væri stökkbreytt fuglaflensa, og þá erum við í slæmum málum því nú smitast hún líka manna á milli.

Það að vara við veirum sem geta valdið heimsfaraldri er ekki að kalla úlfur, úlfur þó að faraldurinn komi ekki fram stuttu eftir viðvaranir, enda væri viðvörunarkerfið þá hálfgallað. 

[Axel Þór Kolbeinsson, 27.4.2009 kl. 20:11]

Takk fyrir þetta Harpa.  Nú er ég ekki vel að mér í neinni líffræði, en ég held að ég hafi lesið það að þessi svokallaða svínaflensa sé einmitt einhverskonar blendingur af fugls- svína- og mannaflensu.  Ég sel það þó ekki dýrar en mig minnir það.

[Guðmundur Ásgeirsson, 30.4.2009 kl. 00:13]

Sé tölfræðilegt áhættumat breskra yfirvalda yfirfært mjög gróflega á mannfjöldann hér (þ.e. án nokkurrar staðfærslu að íslenskum séraðstæðum) þá erum við að tala um 3.500 dauðsföll á Íslandi ef illa fer.

Tek það skýrt fram að þetta er í versta tilfelli og ég vil heldur alls ekki leggja okkur að jöfnu við Bretana! ;)

Útreikningur: 700.000þús.áætluð dauðsföll / 61milljón Bretar * 300þús Íslendingar ~= ca. 3.500 látnir.

[Axel Þór Kolbeinsson, 30.4.2009 kl. 00:26]

7.1

Áhættumat fyrir Ísland

Í viðbragðsáætlun vegna álags heilbrigðisþjónustunnar í heimsfaraldri inflúensu er gert ráð fyrir tvenns konar möguleikum:

• Svæsinn faraldur þar sem gert er ráð fyrir að um 50% þjóðarinnar sýkist verði ekki gripið til sértækra sóttvarnaráðstafana og um 3% hinna sýktu muni látast.

• Hagstæðari útkomu þar sem sóttvarnaráðstafanir draga úr sýkingartíðni og dánarlíkum. Gert er ráð fyrir að með sóttvarnaráðstöfunum muni um 25% þjóðarinnar sýkjast og dánartíðnin verða um 1%.

Samtals dánartala miðað við viðbragðsáætlun almannavarna er því á bilinu 782 - 4.693.  Fjöldi innlagna á bilinu 3.129 - 12.514.  Þetta er náttúrulega verstu mögulegu tölur miðað við þá viðbragðsáætlun.

Verst yrði ástandið á þriðju til sjöttu viku frá því að sýking berst til landsins.

Hægt er að lesa áætlunina hér(pdf).

[Guðmundur Ásgeirsson, 30.4.2009 kl. 10:31]

Allt í góðu Axel, en ég bendi á þessi viðmið í íslensku áætluninni eru almenn. Áætlun Bretanna á hinsvegar sérstaklega við um Mexíkó-veikina sem nú geisar.

[Alexander 30.4.2009 kl. 17:20]

Úúúhhhhhhhh, enn ein grýlan. Nu er jeg blevet bangeeeeeee