Föðurlandssvikarar og skítapakk.

Það mætti mér óvenjuleg sjón þegar ég skrapp út í smók í morgun.  Nágranni minn er skrifstofa Samfylkingarinnar, en þar hefur verið krotað á veggi Föðurlandssvikarar annars vegar og Skítapakk hinsvegar.  Það fer ekkert á milli mála hverjum skilaboðin eru ætluð.

Nú veit ég ekki hvenær þetta hefur verið skrifað, því undanfarið hef ég ekki farið þarna megin við húsið til að reykja, vindáttin hefur gert það að verkum að aðrar hliðar eru betri.  Ekki ætti þó að vera meira en tvær vikur hámark sem þetta hefur staðið.

En myndir segja meira en þúsund orð.  Ég biðst afsökunar á lélegum myndgæðum, en myndirnar tók ég á farsímann minn. Smellið á myndirnar til að sjá þær í fullri stærð.

 

Athugasemdir

[Guðmundur Ásgeirsson, 16.9.2009 kl. 12:46]

Ég gerði þetta ekki!

[Axel Þór Kolbeinsson, 16.9.2009 kl. 12:47]

Ekki ég heldur, þótt það sé bara léttur milliveggur sem aðskilur mig frá rými Samfylkingarinnar.

[Anna Grétarsdóttir 16.9.2009 kl. 13:22]

Ég hefði gert þetta með skærrauðu, stærri stöfum og á fleiri stöðum

[Axel Þór Kolbeinsson, 16.9.2009 kl. 13:23]

Skærrautt hefði í það minnsta komið betur út á mynd.

[S.Á. 16.9.2009 kl. 13:35]

Orð að sönnu, en stundum má satt kjurt liggja.

[Guðmundur Jónas Kristjánsson, 16.9.2009 kl. 13:47]

Gerði þetta ekki en skil vel þann föðurlandsvin sem gerði þetta !

[Axel Þór Kolbeinsson, 16.9.2009 kl. 13:51]

Ætli hálf þjóðin skilji þetta ekki vel?  Allaveganna hef ég tvöfalda ánægju af því að fara út að reykja núna.

[Emil Örn Kristjánsson, 16.9.2009 kl. 14:08]

Ég skal ekki neita því að á stundum hefur mér dottið þetta sama í hug og jafnvel látið detta út mér eitthvað í þessa áttina. Bæði í ræðu og riti.

Eignaspjöll eru hinsvegar alltaf ámælisverð og mér þykir það uggvænlegt þegar fólk er farið að gleðjast yfir skemmdarverkum.

[Páll Blöndal, 16.9.2009 kl. 14:12]

Þetta var víst geðsjúklingur.
Hann fékk lyfin sín eftir þetta og er bara slakur núna.

[Axel Þór Kolbeinsson, 16.9.2009 kl. 14:13]

Ég get bara ekki annað gert en að hafa lúmskt gaman af þessu, þótt ég hefði seint skrifað þetta sjálfur.

Þetta krot er þó ólíkt auðveladara að ná af heldur en málningaslettur þar sem þetta er greinilega gert með tússpenna.  Líklega er nóg að skrúbba bara vel.

[Anna Grétarsdóttir 16.9.2009 kl. 14:33]

Má líklega deila um hvort þetta geti flokkast undir skemmdarverk...

[Rauða Ljónið, 16.9.2009 kl. 14:44]

Mér finnst ekki falllegt að ráðast með þessum hætti á greindarskertfólk.

[Axel Þór Kolbeinsson, 16.9.2009 kl. 14:57]

[Guðni Karl Harðarson, 16.9.2009 kl. 15:13]

Ha

Æi ekki gera mér þetta. Afhverju ertu að kjafta frá? Ég skrapp þarna eina nóttina og skellti þessu á. Pissaði utan í vegginn svona með.................................

Ég hef nú lúmskt gaman af þessu.

[Dóra litla 16.9.2009 kl. 20:04]

Æ, ég er nú lítt hrifin af skemmdarverkum í dag, hvort að það sé tússpenni eða málningarfata. Ég skil samt algjörlega reiðina sem að viðkomandi ber til Samfylkingarinnar.

[Síldarkóngur SVN 16.9.2009 kl. 20:38]

Hér höfum við ekki samfylkingu heldur Alþýðubandalag en það er tómt það vantar alþýðu.Hún flúði flokkinn þetta er orðin þorrablótsklúbbur Bubbana og annara snobbhænsnfugla

[Axel Þór Kolbeinsson, 16.9.2009 kl. 20:47]

Þorrabandalag auðmanna?

[barbatof 16.9.2009 kl. 22:42]

ja hérna , er u þið ennþá að trúa á jólasvienn  , þessi kona er bara ekkert við hæfi , hún getur og gat ekki verið leiðtogi .

samfylkingin er ekkert betra en XD menn ...erum (íslendingar ) án leiðtoga , því miður .ekki einu sinni  SJS , hann er bara góður á móti , gagnlaus jafnvelvondur í stjórn.

[Andrés Björgvin Böðvarsson / bakemono 16.9.2009 kl. 23:03]

Fyrir mér eru þeir sem standa hjá og láta sér vel líka rétt aðeins skömminni skárri en skemmdarvargarnir sjálfir. Svona hegðun er engum málstað til framdráttar, nema e.t.v. þeim málstað sem unnið er gegn.

[Anna Margrét Bjarnadóttir, 17.9.2009 kl. 01:22]

Þetta hefði þurft að standa með breiðum rauðum stöfum.....Blóði þjóðarinnar!!!!!  Þessir landráðsmenn sem ætla sér að koma í veg fyrir að leiðrétta heimilislánin!!

[Óskar Helgi Helgason 17.9.2009 kl. 02:01]

Heill og sæll Axel Þór; æfinlega - sem og, þið önnur, hér á síðu !

Þó; þorri okkar sveitunga, sé ærlegt og skikkanlegt fólk, að upplagi, er því ekki að neita, að finna má; vafalaust hér - sem of víða annars staðar, fylgjendur Fjórða ríkisins, á Brussel völlum, Axel.

Samfylkingin íslenzka; er því miður, svona viðlíka hreyfing, og sú norska var, í eðli sínu - hver; fylgdi Vidkun Quisling að málum, þar í Autsurvegi, á sinni tíð.

Varla; til eftirbreytni, íslenzku krötunum - sú samsvörun, eða hvað, gott fólk ?

Með beztu kveðjum; sem áður og fyrri /

Óskar Helgi Helgason   

[Arnór Valdimarsson 17.9.2009 kl. 03:08]

Amma mín blessunin, sagði að altaf skildi maður segja satt. Og það reyni ég svo sannarlega að heiðra. En átti samt engann hlut að máli þarna.

[Axel Þór Kolbeinsson, 17.9.2009 kl. 08:30]

barbatof.  Ég trúi ennþá á jólasveina og veit að það eru í það minnsta 20 slíkir á alþingi okkar.  Annars er ég sammála þér um leiðtogaleysið.

Andrés, ég er þá skömminni skárri.  Ég er nokkuð viss um að þetta krot hefur máðst tölvert af í rigningunni í nótt, þannig að ekki er skemmdarverkið mikið.  Ég á samt enn eftir að kíkja á vegginn.

Anna Margrét.  Eins og ég sagði fyrr þá hefði rautt í það minnsta komið betur út á mynd.

Óskar kæri sveitungi.  Þetta kom mér töluvert á óvart, sérstaklega þear maður hugsar til þess að fáni Samfylkingarinnar fékk að blakta óáreittur í tvo mánuði eða svo eftir kosningar.

Arnór.  Sannleikurinn er sagna bestur.

[Guðni Karl Harðarson, 17.9.2009 kl. 14:57]

Andrés. Enginn að mæla svona verknaði bót. Hinsvegar er ég þó viss um að enginn af okkur hér gætum nokkruntímann framkvæmt svona, þá má hafa lúmskt og grátt gaman að. Enda engin skemmdarverk unnin. Eða þá í allra minnsta mjög lítil.

Hinsvegar reikna ég með að einhver unglingurinn hafi gert þetta í einhverju hugsunarleysi, eða á fylliríi!?

[Axel Þór Kolbeinsson, 17.9.2009 kl. 15:21]

Já Guðni, líklegast hafa þetta verið unglingar.  Þeir eru töluvert á röltinu hérna framhjá um helgar.

[Heimir Tómasson, 18.9.2009 kl. 06:34]

Það er samt merkilegt til þess að hugsa að Samfylkingin, sem öllu átti að bjarga eftir kosningar hefur áunnið sér það til frægðar að hafa komið megninu af þjóðinni upp á móti sér á töluvert skemmri tíma heldur en jafnvel Sjálfstæðismenn reiknuðu með.

Spes. Eða?

[Axel Þór Kolbeinsson, 18.9.2009 kl. 08:20]

Það sem mér finnst enn meira spes Heimir, er að þrátt fyrir þetta mikla "hatur" á Samfylkingunni þá hafa þeir lítið dalað í fylgi ennþá.