Hver er þín skoðun?

1. Alþingi skipar stjórnlaganefnd.
2. Kosningin endurtekin.
3. Hætta við allt heila klabbið.

Endilega setjið inn athugasemd og segið ykkar skoðun, og svo megið þið líka taka þátt í skoðanakönnun hér til hægri.

Þessi síða krefst ekki notendanafns, að fá að vita tölvupóstfangið þitt og IP-tala er ekki skráð.  Fólki er frjálst að skrifa undir dunefni.  Þótt þið setjið ekki inn meira en tölustafina sem eru hér fyrir ofan þá er það vel þegið. 

 

Óheppilegt að skipa fulltrúa

Athugasemdir

[Ómar Geirsson, 31.1.2011 kl. 23:07]

Blessaður Axel.

Hvernig væri að orða þriðja lið svona; snork, snork.

Og fara síðan að ræða það sem máli skiptir.  Þjóð í skuldafjötrum hefur ekkert um auðlindir sínar að segja, ekkert um ráðstöfun skattpeninga, ekkert um framtíð sína.

Hún aðeins borgar, eða gerir uppreisn.

En ég var með ágæta hugmynd, setjum nafna minn Ragnarsson í verkið.  Bloggaði meira að segja um það, svona í og með stólpagríni að fjórflokknum.

En rökin voru þau að hann uppfyllti grundvallarskilyrði málsins, að þykja vænt um landið sitt og þjóð, þó við séum eins og við erum.  Og svo sagði ég margt annað, misgáfulegt.

En ekki verri hugmynd en liður 1-3, staðreyndin er sú að þjóð sem deilir hún kemur sér ekki saman um eitt eða neitt, hvað þá nýja stjórnarskrá.

Þess vegna skiptir þetta stjórnlagaþing engu máli.

En ICEsave er byrjað.

Kveðja að austan.

[ransý 31.1.2011 kl. 23:09]

 3

[Öreiginn 31.1.2011 kl. 23:15]

1

[Syfjaður 1.2.2011 kl. 00:08]

1 eða 2

[Gunnar Th. Gunnarsson, 1.2.2011 kl. 01:01]

2

[Gunnar Th. Gunnarsson, 1.2.2011 kl. 01:02]

ahh.. þetta átti að vera 1

[Axel Jóhann Hallgrímsson, 1.2.2011 kl. 02:08]

2 - kjósa aftur með sömu frambjóðendum!

[Gunnar Th. Gunnarsson, 1.2.2011 kl. 02:18]

.... eða 3

[Adda Þorbjörg Sigurjónsdóttir, 1.2.2011 kl. 06:03]

3

Nota upplýsingar úr þjóðfundinum og fá 7 manna logfræðinganefnd til að byggja hana.

[Axel Þór Kolbeinsson, 1.2.2011 kl. 09:16]

Þá er það komið í ljós.  Í þessari hávísindalegu könnun kemur í ljós að u.þ.b. 50% vill hætta við stjórnlagaþingið í þeirri mynd sem lagt var upp með, og 50% vilja halda því áfram annað hvort með því að kjósa aftur eða láta Alþingi skipa þessa 25 einstaklinga sem náðu kjöri í ógildum kosningum í nefnd sem fengi sama verkefni og þingið átti að fá.

Ég er hreinlega ekki viss sjálfur hvort nýtast eigi við kost 2 eða 3, en finnst það rangt að nota kost 1.

En ef það verður boðað til nýrra kosninga mun ég bjóða mig fram aftur.

[Axel Þór Kolbeinsson, 1.2.2011 kl. 09:21]

Ómar minn kæri.  Stjórnlagaþing eða ekki er mikilvægt mál, en ekki krefjandi á þessum tímapunkti eins og þú bendir á.  Önnur málefni eru brýnari þar sem tíminn til að bregðast við þeim er skemmri.

Icesave er komið út úr nefnd og baráttan við það að byrja. Þú mátt eiga von á því að ég fari að rífa mig fljótlega, en ég mun reyna að grípa rétta tímapunktinn.

[Kolbrún Hilmars, 1.2.2011 kl. 12:12]

3 - að sinni.

[Ómar Geirsson, 1.2.2011 kl. 13:48]

Axel.

Endurhæfing er góð, stundum skiptir sköpum fyrir lífsgæði fólks.  En ef þú ert með krabba, þá læknar maður hann fyrst, síðan endurhæfingin, það er ef þú lifir lækninguna af.

Á ákveðnum tímapunkti þarf þjóðin að gera upp við sig hvernig hún vill skipa sínum málum í framtíðinni, en í dag snýst baráttan um sjálfa tilveru þessarar þjóðar.  

Það er það sem fæstir skilja, hvaða afleiðingar skuldaklær AGS og ICEsave þýða, og fólk áttar sig ekki á að stjórnlagaþingið var leið til að hlutlausa andstöðuna gegn skalaþrælkuninni.

Ofsalega flott að tala til dæmis um auðlindir í þjóðareign, en þjóð sem tekur á sig skuldir fjárglæframanna og braskara, og setur auðlindir sínar að veði, það er þjóð sem ræður ekki yfir auðlindum sínum.  Jafnvel þó aðeins ein lína sé í stjórnarskránni, "Auðlindir skulu vera í þjóðareign".

Annað er það að breytingar án sáttar, eru alltaf andvana fæddar.

Menn ættu að spá betur í þetta með nafna minn Ragnarsson, brjóstvist hans og mannkærleikur gætu rofið víggirðingar fylkinganna sem takast á um allt, og eru ekki sammála um neitt.

Galdurinn er að reyna að finna það sem sameinar, og menn geta náð sátt um.

Aðeins þá takast stjórnlagabreytingar.

Og það gleymdist að ná sáttinni þegar blásið var til kosninganna.  

Sem og hitt að kosningar eru ekki réttu aðferðirnar til að velja, þær bjóða upp á einsleitni, einsleitni er aldrei raunveruleikinn, ekki nema í sjónvarpi.

Réttara hefði verið að bjóða hagsmunahópum og félagasamtökum að tilnefna fólk.

Þá væri þú til dæmis á stjórnlagaþingi Axel, tilnefndur af Samtökum fullveldissinna.

Og þú þarft að mæta í ICEsave slaginn.  Þið eruð einu samtökin sem ennþá eru óbiluð, fjórflokkurinn innlimaði Hreyfinguna.

Heyrumst í stríðinu.

Kveðja, Ómar.