Yfirlýsing Heimavarnarliðsins

Heimavarnarliðið ætlar að verja heimili fólks fyrir útburði vegna óréttmætra skuldakrafna, með því að hindra aðgang lögreglu ef þarf.

Heimavarnarliðið gengur friðsamlega fram í aðgerðum sínum en áskilur sér rétt til að verja hendur sínar.

Liðsmenn í Heimavarnarliðinu geta þeir orðið sem eru lögráða, agaðir og styðja markmið þess.

Þeir sem vilja fá aðstoð Heimavarnarliðsins geta haft sambandi í síma 841-0551 eða netfangið [e-mail].

 

Athugasemdir

[Elle_, 1.12.2009 kl. 18:36]

Það er göfug hugsun á bak við þetta hjá ykkur, Acel Þór, og ég vorkenni lögreglumönnum sem þurfa að vinna við að fara með fólk út.   Það er bara sorglegt bæði fyrir fólkið og lögreglu.  

[Elle_, 1.12.2009 kl. 18:38]

Axel Þór heitirðu.

[Axel Þór Kolbeinsson, 1.12.2009 kl. 18:41]

Ég á reyndar ekkert í þessari hugmynd.  Ég vil bara koma þessari vitneskju á framfæri við fólk.  Ég mun mögulega bjóða fram krafta mína í þessu þarfa verkefni.

[Kolbrún Hilmars, 1.12.2009 kl. 19:08]

Heimavarnarliðið dreifði blöðum á mótmælafundinum s.l. laugardag með þessari yfirlýsingu. Þar kemur ekki fram hverjir aðstandendur þess eru en uppgefið er símanúmer og netfang. Reyndar sá ég utan að mér að viðstöddum körlum var gefinn kostur á að skrifa nafn sitt á lista.

Það er ýmislegt að gerjast í grasrótinni.

[Axel Þór Kolbeinsson, 1.12.2009 kl. 19:12]

Já Kolbrún mín kæra, það er ýmislegt að gerjast í grasrótinni en sumt vona ég að verði ekki af.  Annars fær maður nú að heyra af ýmsu þegar maður er með fálmara á mörgum stöðum.