bit, ekki bæt

Hraði er yfirleitt mældur í bitum, ekki bætum.  Orðin eru keimlík og því eiga ókunnugir það til að rugla þessu tvennu saman.  En það hefur gríðarlega afleiðingar þar sem bæti samanstendur af 8 bitum, og því er blaðamaður mbl búinn að áttfalda meðalnethraða Bandaríkjamanna.

Google gerir breiðbandstilraunir

Athugasemdir

[Pax pacis, 10.2.2010 kl. 19:54]

Nákvæmlega það sem ég hugsaði, bitar en ekki bæti. 

Hámarkshraði algengustu breiðbandstengingar á Íslandi í dag (ADSL) er 16 megabitar (Mb/s) sem er ekki nema 2 megabæti (MB/s) sem myndi setja okkur mjög aftarlega á merina miðað við Bandaríkjamenn.

Annars koma þessar upplýsingar svolítið á óvart, þ.e. að Bandaríkjamenn séu að meðaltali með 5 Mb/s tengingar því maður hefur séð töluvert um það á spjallvefjum að margir séu ennþá að nota upphringisamband; oftast þá ISDN sem er ekki nema 0.25 Mb/s. 

Ég reyndar er ekki viss um að meðalbandbreiddin hjá okkur sé mikið meira en 5 Mb.  Minnsta ADSL tenging er 2 Mb/s og mesta 16 Mb/s.  Ég héld reyndar að við stæðum mun framar Bandaríkjamönnum í þessum efnum.

[Axel Þór Kolbeinsson, 10.2.2010 kl. 20:17]

Meðalhraði hér og í Bandaríkjunum er svipaður, en munurinn fellst í því að hér er meiri jöfnuður, en í Bandaríkjunum er hraðinn mjög mismunandi eftir búsetu.  Margir eru enn með upphringisamband sérstaklega í dreifbýlinu.  xDSL hefur ekki náð jafn miklum vinsældum í BNA og hér, en kapaltengingar (oft 30Mb) eru ekki óalgengar í þéttbýli.

Hröðustu tengingar í boði hér á landi til einstaklinga eru 100Mb, sem telst nánast sjálfsagður hlutur í Japan.

[Arnór Baldvinsson, 11.2.2010 kl. 02:53]

Sæll Axel,

Það virðist vera búið að laga þetta því ég sé bara talað um megabita.  Svona til gamans, þá erum við hérna á norð-vestur horninu með tengingu sem er einhversstaðar milli 10 og 15mb, sem er það besta sem við getum fengið hérna.  Við erum með internet, sjónvarp og síma í gegnum breiðband og borgum eitthvað um 170 dollara á mánuði fyrir þetta.

Kveðja,

[Axel Þór Kolbeinsson, 11.2.2010 kl. 08:39]

Sæll Arnór.

Já, þeir voru snöggir að laga fréttina.  Ég ætla að giska á að þú kaupir þjónustu af Comcast.

$170 fyrir breiðband finnst mér mikið, en ég er sjálfur með 50mb ljósleiðara og síma yfir hann.  Ef ég tæki líka sjónvarpspakka án íslensku stöðvanna væri mánaðargjaldið í kring um $100, en gengisfall krónunar gerir samanburðinn hagstæðari fyrir mig.

Annars eru Washingtonríki og svo norðaustur ríkin með einna bestu tengingarnar í BNA, en ef þú ferð aðeins austur til Wyoming, Dakota og ríkin á þeim slóðun er erfitt að fá net yfir 10mb, og vesalings Alaskabúar fá ekkert betra en 5mb.

[Arró 11.2.2010 kl. 11:09]

Mér finnst nú vanta í þessa frétt á hvaða tækni þetta byggi, t.d. hvort þetta sé ljós eða kopar tenging?

[Arró 11.2.2010 kl. 11:13]

 "with 1 gigabit per second, fiber-to-the-home connections"

[Axel Þór Kolbeinsson, 11.2.2010 kl. 11:19]

Sennilegast þráðlaust, enda hefur Google horft til þess og hafði í huga að kaupa aflögð tíðnissvið þegar skipt var yfir í stafrænar sjónvarpsútsendingar.  700-900Mhz tíðnissvið ef ég man rétt.