Fjórflokkurinn allur klofinn

Í stóru flokkunum fjórum er einhver klofningur varðandi afstöðu til ESB-aðildar, en minnst þó í Samfylkingunni.  Einungis hluti litlu stjórnmálasamtakana hafa afgerandi afstöðu með eða á móti aðild.

Samtök Fullveldissinna er eitt það stjórnmálafélag sem er alfarið hlynnt því að Ísland standi utan Evrópusambandsins ásamt því að hafa stefnu í mörgum öðrum málaflokkum.  Annars getið þið litið á samantekt mína yfir heimasíður stjórnmálasamtaka hér til hægri ef þið hafið áhuga á að kynna ykkur hvað er að gerjast utan fjórflokksins.

Segir VG vera ESB-flokk

Athugasemdir

[Guðmundur Ásgeirsson, 25.11.2010 kl. 03:51]

Ég rakst á merkilega athugasemd á öðru bloggi, þar sem uppljóstrað er einu best geymda leyndarmáli íslenskra stjórnmála:

Mesti klofningurinn um ESB málið er einmitt í Samfylkingunni.

Samkvæmt því sem þar er rakið er Samfylkingin með hlutfallslega minnst fylgi eigin flokksmanna við yfirlýsta stefnu sína í Evrópumálum.

[Axel Þór Kolbeinsson, 25.11.2010 kl. 08:17]

Ég var búinn að sjá svipaðar röksemdir, en þær taka aðallega á stuðningfólki flokkanna, ekki félagsmönnum sjálfum.

[Guðmundur Ásgeirsson, 25.11.2010 kl. 17:04]

Já, líklega er réttara að segja "minnst fylgi eigin stuðningsmanna" frekar en flokksmanna, því ekki er víst að allir sem segjast myndu kjósa flokkinn séu skráðir félagar.