Misræmi í tölum Hagstofunar?

Nú vill þannig til að ég var að fara í gegnum tölur Hagstofunar einmitt um útflutning og innflutning og ég fæ allt aðrar tölur.  Gæti verið að þær tölur sem koma fram í fréttinni séu vöru- og þjónustu inn- og útflutning?

Þær tölur sem ég var að fara í gegnum eru vöruinn- og útflutningur eingöngu, en ég hafði áhuga á að skoða þróunina frá 1988.  Meira um það síðar.

 

	Frétt inn	Frétt út	Vefur inn	Vefur út
ESB	56,20%	70,50%	51,96%	77,61%
Kanada	1,50%	1,30%	1,71%	0,44%
Noregur	7,90%	4,40%	9,06%	4,24%
Sviss	1,60%	1,80%	1,38%	1,82%

Það væri gott að heyra frá einhverjum hversvegna þetta misræmi er.  Öll gögn sem ég er með eru fengin hjá Hagstofu Íslands.  http://hagstofa.is/Hagtolur/Utanrikisverslun

 

P.s. MBL mætti láta þess getið hvaða samtök óskuðu eftir þessari úttekt Hagstofunar, líkt og Vísir gerði.

70,5% útflutningsins fer til ESB

Athugasemdir

[Kolbrún Hilmars, 17.11.2011 kl. 14:22]

Axel, ekki er ég nógu fróð til þess að svara því af hverju þetta misræmi stafar.

Það sem mér þætti hins vegar fróðlegt að sjá, væru tölulegar upplýsingar um inn/útflutning frá/til Evru-ESB annars vegar og Ekki-Evru-ESB hins vegar.

Er hægt að lesa þessa skiptingu úr tölum Hagstofunnar?

[Axel Þór Kolbeinsson, 17.11.2011 kl. 14:33]

Ég skal bara svara því núna.  Ég er að taka saman efni í smá pistil sem ég birti líklega í kvöld.

Árið 2010 var flutt út til €vrulands 61,54% af vöruverðmætum og 16,02% til annara ESB-landa.  Sama ár er flutt inn 31,38% frá €vrulandi og 20,57% frá öðrum ESB-löndum.

[Kolbrún Hilmars, 17.11.2011 kl. 15:11]

Takk Axel, hlakka til að sjá pistilinn.

Ég þekki nefnilega aðeins til innflutnings (en ekki út- nema lauslega) og hef á tilfinningunni að innflutningur um 70% frá öllum þjóðum heims, ásamt Ekki-Evru-löndum, geti stemmt.

Í þessu er okkur ekki hagstæður vöruskiptajöfnuður gagnvart Evru-ESB. Vonandi eru menn að fá hæsta mögulega verð fyrir útflutning þangað. ?