Millisterk ópíumlyf

Á íslenska lyfjamarkaðinn vantar sárlega millisterk ópíumskyld lyf, að öðrum ólöstuðum. Frá kódíni og tramadol, sem eru með vægustu ópíumafleiðum, er ekkert lyf við miðlungs til miklum verkjum í boði fyrr en kemur að morfíni og sterkari verkjalyfjum, en ekkert þeirra hentar til langvinnrar notkunar þeirra sem eru verkjasjúklingar. Reyndar er framboð sterkra verkjalyfja í þessum flokki lyfja (N02A) ágætt en þau lyf eiga helst að vera notuð við miklum en skammvinnum verkjum eða á líknardeildum.

Ef einhver heilbrigðisstarfsmaður skyldi lesa þetta þá vil ég mæla því til þeirra að beita sér fyrir því að ópíumafleiðurnar tilidín og tapentadol komist á innlendan markað svo hægt sé að draga úr ávísunum á óþarflega sterk verkjalyf með þeim vandamálum sem þeim fylgja.

Tryggja fjármagn til innleiðingar nýrra lyfja

Athugasemdir

[Anna Sigríður Guðmundsdóttir, 20.2.2017 kl. 16:56]

Axel. Undarlegast af öllu er skorturinn á vönduðum og heiðarlegum sjúkdómsgreiningum, með viðeigandi raunverulegri hjálp.

Afneitun sumra lækna á raunverulegum og áratugarannsóknum og staðfestingum á gagnsemi sumra lyfja, ásamt vönduðum og rétt greindum vanda, er óverjandi.

Sumir þurfa jafnvel að flýja landið vegna óverjandi svindlandi vangreiningu/vanrækslu heilbrigðisyfirvalda á vönduðum greiningum, og viðurkenndum lyfjum.

Hættum að fárast yfir einhverjum svikulum lyfjapólitískum reipistogurum, þegar ekki er einu sinni hægt að sinna þeim heiðarlega og fordómalaust, sem raunverulega hafa vandaða greiningu.

Fordómar og ábyrgðarleysi virðast vera leiðarljós íslenska yfirlækna-valda-heilbrigðiskerfisins, í allt of mörgum tilfellum. Þeir sviknu eiga sér fáa, valdalausa og lágværa málssvara á Íslandi. (Lögmenn sjá ekki um slíkar málsvarnir á Íslandi).

Sem betur hefur fólk á Íslandi enn möguleika á að flýja þetta heilbrigðisyfirvalda-stýrða glæpabanka/lífeyrissjóða/skattráns-ríki, Ísland, þegar verður skrúfað fyrir réttu og eftirlitstryggu lyfin og læknishjálpina sem hjálpar.

Tilraunaríkið svikaspillta, Ísland?

M.b.kv.