Kosningabaráttan harnðar

Það er nú meira hvað kosningabaráttan er að harðna.  Nema þessir krakkar hafi verið eitthvað ósátt við að fá, eða fá ekki, rós frá Samfylkingunni.  Því miður var tekið við rósinni á mínu heimili þar sem ég fór ekki til dyra.

Annars var fyrirtækið að flytja og nágrannar okkar eru kosningamiðstöðvar Samfylkingar og Framsóknar, og svo hef ég séð kosningarútu Sjálfstæðisflokksins keyra hérna framhjá allaveganna þrisvar í morgun.

Slettu skyri í kosningaskrifstofu

Athugasemdir

[Gullvagninn 20.4.2009 kl. 12:28]

þú ert greinilega innikróaður - eins og við öll

[Axel Þór Kolbeinsson, 20.4.2009 kl. 12:32]

Svona líka svakalega.  Ég er helst á því að mæta ekkert í vinnuna fyrr en eftir kosningar...  Ef þetta væru nú einhver önnur stjórnmálasamtök þá liði mér strax betur.

[Valsól 20.4.2009 kl. 14:34]

Þeir einu sem hata Samfylkinguna nóg til að gera svona lagað eru Sjálfstæðismenn. Hvítliðar Sjálfstæðismanna eru farnir að sletta skít út um allt, láta sér greinilega ekki nægja að gera þetta í auglýsingum sínum.

Ef þetta hefðu verið umhverfisverndarsamtök þá hefðu þau gert þetta undir nafni, enda ekki eins miklir heiglar og Sjálfstæðismenn.

[Hlédís, 20.4.2009 kl. 15:35]

Gætu verið hverjir sem er - jafnvel ævintýraþyrstir "fylgismenn"!!  Þetta atvik er á engan hátt fylgis-rýrandi fyrir viðkomandi flokk. Ég segi bara sona

[Axel Þór Kolbeinsson, 20.4.2009 kl. 15:40]

Ég á erfitt með að trúa því að þetta gæti verið meðlimir annara stjórnmálaflokka, sérstaklega núna eftir að búið er að gera þetta sama í kosningaskrifstofu Sjálfstæðisflokksins í Ármúlanum.  Þetta yrði ekki til að hjálpa málstað neins stjórnmálaafls.

En ég óska þess að þeir sem standi fyrir þessu sendi frá sér yfirlýsingu um málið; þ.e. hvaða samtökum þau tilheyra og hverju er verið að mótmæla.

Persónulega gruna ég helst Anarkista og/eða Saving Iceland miðað við hverjir verða fyrir kastinu, en tek það fram að það er bara mín tilfinning og ég er ekki að ásaka einn né neinn.

[Kolbrún Hilmars, 20.4.2009 kl. 17:00]

Ég held að Valsól sé jafnráðvillt og við hin - en eins og einhver sagði þá er betra að veifa röngu tré en öngvu!

Sami gjörningur fór fram á kosningaskrifstofu sjálfstæðisflokksins og ég er ekki þeirrar skoðunar að þar hafi farið fylgismenn SF til þess að hefna sín á skyrslettum D.

Hallast frekar að þinni skoðun, Axel, að anarkistar séu að æfa sig!

[Axel Þór Kolbeinsson, 20.4.2009 kl. 19:44]

Svo var víst skvett þessu sama hjá Framsókn í Kópavogi, þannig að þá er búið að skvetta á 3 af 7 framboðanna.  Ég vona að þeir sem beri ábyrgð sendi eitthvað frá sér bráðlega því annars er ekki hægt að skrifa þetta á mótmæli.