Er ekki í lagi?

Hvað er að á stjórnarheimilinu?  Vita þau það ekki að ef þau virkja ríkisábygðina núna og lögin verða svo felld í þjóðaratkvæði að þá er íslenska ríkið mögulega orðið skaðabótaskylt?

Núna á ríkisstjórnin ekki að virkja ríkisábyrgðina heldur að bíða eftir niðurstöðu þjóðarinnar.  Annað er stríðsyfirlýsing við þjóðina!

Þrátt fyrir ákvörðun forsetans, hefur ríkisstjórn Íslands að fullu skuldbundið sig til að hrinda Í framkvæmd tvíhliða lánasamningum og þar með ríkisábyrgð sem kveðið er á um í lögum.

Gróflega þýtt.

Ísland mun staðfesta ríkisábyrgð

Athugasemdir

[assa 5.1.2010 kl. 13:26]

Djísús! Þetta er nú meiri þvermóðskustjórnin ef satt er. Nú er ég hrædd um að Jóhanna skilji ekki að það sé ekki nóg að vera kominn, maður þarf líka að vera réttur maður á réttum stað á réttum tíma!

[Eldur Isidor 5.1.2010 kl. 13:36]

Ef ríkisábyrgðin sé gerð virk strax og án klásula að henni getur verið hafnað skv. þjóðaratkvæðisgreiðslu ÞÁ er FYRST HÆGT AÐ TALA UM SVIK OG LANDRÁÐ!

[Axel Þór Kolbeinsson, 5.1.2010 kl. 13:38]

Ekkert annað Eldur og assa.  Ef forsætisráðherra lætur verða af þessu þá verður að koma stjórninni frá með valdi og lýsa gjörðir hennar, í það minnsta staðfestingu ríkisábyrgðar, ómerkar og ekki gerðar í umboði þjóðarinnar.

[Guðmundur Ásgeirsson, 5.1.2010 kl. 13:48]

Þetta hlýtur að þýða að stjórnin muni hrökklast frá þegar IceSave lög hin seinni verða felld í þjóðaratkvæðagreiðslu.

[Axel Þór Kolbeinsson, 5.1.2010 kl. 13:52]

Það er bara ekki nóg Guðmundur.  Ef núverandi stjórnvöld framkvæma slík afglöp í starfi að skapa ríkinu (viljandi?) skaðabótaskyldu þá þarf meira til að hnekkja því.

[Loftur Altice Þorsteinsson, 5.1.2010 kl. 14:10]

Jóhanna er jafnvel heimskari en alþjóð hefur talið. Við þurftum á einhverju öðru að halda en þessum nýjustu svikum ríkisstjórnarinnar.

Despite the President‘s decision, the government of Iceland remains fully committed to implementing the bilateral loan agreements and thus the state guarantee provided for by the law.

[Ísleifur Gíslason, 5.1.2010 kl. 14:19]

Það þarf að koma þessu elliæra og svikula fólki frá og leyfa nýju að taka við. Vonandi gerist það á þingflokksfundum þeirra á eftir.

Best er að VG og Samfylkingin hreinsi sjálf upp eigin skít!

[Magnús Sigurðsson, 5.1.2010 kl. 14:29]

Þessir ríkisstjórn er að verða búin að koma málum þannig fyrir íslenskri þjóð, að útrásarvíkingarnir líta út sem saklaus fórnarlömb. 

[Sigurður 5.1.2010 kl. 14:39]

Ríkisábyrgðin var "virkjuð" um leið og lögin voru samþykkt, því að þau eru í gildi þar til þau hafa annaðhvort verið felld í þjóðaratkvæðagreiðslu eða dregin til baka. Þetta skiptir þó auðvitað engu máli því að ekkert gerist með þetta lán hvort eð er fyrr en að sjö árum liðnum. En jafnvel þótt þau verði dregin til baka eða felld, þá er í gildi ríkisábyrgð frá því í sumar, sem væntanlega gengur þá aftur í gildi. Það sem ríkistjórnin er að segja aftur á móti er að hún lítur ekki svo á að Íslendingar hafi hafnað ábyrgð á Icesave-greiðslunum með þessu, enda hafa mér Indefence-liðar yfirleitt tala þannig, og sjálfstæðismenn hafa tekið undir það, að við ætlum að standa við skuldbindingarnar, en viljum bara ekki þennan samning -- enda væri til lítils að semja ef við ætluðum hvort eð er ekki að borga. Málið er þá það: hvernig ætlum við að borga ef við viljum ekki semja við Breta og Hollendinga?

[Hjörtur J. Guðmundsson, 5.1.2010 kl. 14:42]

Kemur ekki á óvart. Ég efa samt að skaðabótaskylda skapist þar sem það væri ekki eftiráákvörðun ef lögin yrðu felld úr gildi með þjóðaratkvæði heldur taka lögin í raun gildi með þeim fyrirvara að þau verði samþykkt í slíkri atkvæðagreiðslu. Það er varla hægt að túlka stjórnarskrána öðruvísi?

[Hjörtur J. Guðmundsson, 5.1.2010 kl. 14:43]

Sigurður, lánið fer samt strax að safna á sig vöxtum og raunar allt frá því í janúar 2009.

[Axel Þór Kolbeinsson, 5.1.2010 kl. 14:43]

Ríkisábyrgðin tekur ekki gildi fyrr en fjármálaráðherra ákveður það.  Lögin kveða á um veita fjármálaráðherra þá heimild:

1. gr. Ríkisábyrgð á Icesave-lánasamningunum.
Fjármálaráðherra, fyrir hönd ríkissjóðs, er heimilt að veita Tryggingarsjóði innstæðueigenda og fjárfesta ríkisábyrgð...

[Axel Þór Kolbeinsson, 5.1.2010 kl. 14:46]

Möguleg skaðabótaskylda vegna virkjunar ríkisábyrgðar, en að lögunum verði svo hafnað í þjóðaratkvæði kom fram í máli Gunnars Helga Kristinssonar í útsendingu Rúv.

[Loftur Altice Þorsteinsson, 5.1.2010 kl. 15:04]

Ég tel vera rétt sem Hjörtur segir. Þótt Steingrímur staðfesti ábyrgðar-lögin, er þjóðaratkvæðið þekktur fyrirvari. Tal um skaðabótaskyldu er bara venjulegur hræðslu-áróður.

  Sigurður er einn af þessum villuráfandi stuðningsmönnum Icesave-stjórnarinnar. Ábyrgðar-lögin, þau fyrri og síðari, eru virkjuð með staðfestingum Fjármálaráðherra, ásamt fulltrúum Breta og Hollendinga. Engin ábyrgðar-lög hafa verið virkjuð um Icesave-samningana. Með yfirlýsingu sinni, virðist Jóhanna vera að hóta að virkja síðari lögin. 

Að standa við skuldbindingar samkvæmt Tilskipun 94/19/EB, merkir að við ætlum ekki að veita ríkisábyrgð á Icesave-reikningunum. Ég hélt að allir væru farnir að skilja þetta, en greinilega ekki Sigurður. Hann flækist í tilhæfulausum vangaveltum.

 

Við sjáum vel heimsku ríkisstjórnarinnar að tala um "lánasamning" í yfirlýsingunni. Ekkert lán hefur verið tekið - einungis er um að ræða ólöglegar kröfur, sem allir líta á sem aðgöngumiða að ESB. Ríkisstjórn sem væri að gæta hagsmuna Íslendinga myndi ekki taka svona til orða.

 

 

 

  

 

 

[Ingibjörg Guðrún Magnúsdóttir, 5.1.2010 kl. 15:26]

Bíðum nú við.. og hvorki Bretar né Hollendingar búnir að samþykkja, er það örugglega ekki rétt með farið hjá mér, að þeir hafa ekki skrifað undir fyrri lánasamninginn, Lánasamning sem Ríkistjórnin ákvað að skýra upp á nýtt því nafni, frekar en kalla hlutina sínum réttu nöfnum. Óreiðuskuld einstaklinga, og það er ekki þjóðarinnar að borga þessa óreiðuskuld voru kosningarloforð Jóhönnu og Steingríms. Held að þeim sé ekki stætt lengur að sitja í stólum sínum á Alþingi okkar Íslendinga.

[Einar Björn Bjarnason, 5.1.2010 kl. 15:56]

Ég held að Hjörtur hafu rétt fyrir sér, að lögin taki gildi með fyrirvara, og þar með gildi það sama um ábyrgðina.

Kv.

[Axel Þór Kolbeinsson, 5.1.2010 kl. 16:33]

Ég hef mögulega hlaupið á mig:

Eiríkur Tómasson lagaprófessor telur að Steingrímur J. Sigfússon fjármálaráðherra geti ekki undirritað ríkisábyrgð vegna Icesave-skuldbindinganna á grundvelli gildandi laga. Slík undirritun fæli í sér stjórnarskrárbrot og myndi baka okkur skaðabótaskyldu.

„Þetta er mjög sérkennileg staða. Nú eru lögin komin í gildi og fjármálaráðherra gæti undirritað ríkisábyrgðina á grundvelli gildandi laga. Ég tel hins vegar að hann væri að fara á svig við fyrirmæli stjórnarskrárinnar ef hann gerði það. Það myndi baka okkur skaðabótaskyldu þó að lögin yrðu síðar felld úr gildi,“ sagði Eiríkur.

http://www.mbl.is/mm/frettir/innlent/2010/01/05/radherra_getur_ekki_undirritad_rikisabyrgdina/

[Loftur Altice Þorsteinsson, 5.1.2010 kl. 16:45]

Fróðlegt væri að vita hvaðan Eiríkur hefur, að undirritun Steingríms á ríkisábyrgðina væri Stjórnarskrárbrot. Það var hins vegar Stjórnarskrárbrot að undirrita Icesave-samningana, þar sem þeir samningar voru ekki gerðir í samræmi við samnings-heimild Alþingis.

Umfjöllun: http://altice.blog.is/blog/altice/entry/997598/

[Guðni Karl Harðarson, 5.1.2010 kl. 17:04]

Fróðlegt að lesa þetta hjá ykkur.

Þetta er nokkuð sem ég þarf að fylgjast vel með og skoða

Við verðum að bíða og sjá hvað ríkisstjórnin gerir. Mun Steingrímur undirrita Icesave þvert á grundvöll gildandi laga og fer á svig við stjórnarskrána?

[Geir 5.1.2010 kl. 20:39]

Jebb, og nú fer hræðsluáróðurinn að dynja á Íslendingum af alvöru.

Hann Ólafur Ragnar er snillingur!

[Guðni Karl Harðarson, 5.1.2010 kl. 23:47]

Hræðsluáróðurinn byrjaði um leið og Forsetinn neitaði þessu. Við munum sjá fullt af honum úti í þjóðfélaginu á næstunni.

En við munum verjast og áfram berjast. Nú er hálfur sigur unninn í þessu máli. Mikil vinna framundan aðgjöra almenningi fyrir alvöru út á það hvað það verður að kjósa!

Engar blekkingar úr þeim kofanum heldur að koma hreint fram og upplýsa fólk vel um málið!