Er fjármálaráðherra hafinn yfir lög?

Það vill aðeins gleymast í umræðunni um samgöngumálin þetta árið hvar vandinn er.

Samgönguráðherra getur ekki veitt Vegagerðinni það fjármagn sem Vegagerðinni ber samkvæmt Samgönguáætlun og Fjárlögum ársins 2017 þar sem hann fær ekki það fjármagn frá fjármálaráðuneytinu.

Það að Fjármálaráðuneytið veitir ekki því fjármagni til samgöngumála er vegna þess að Fjármálaráðherra fer ekki eftir settum lögum, nánar tiltekið Fjárlögum fyrir árið 2017 og lögum um opinber fjármál.

27. gr. Umsjón og ábyrgð á framkvæmd fjárlaga.

• Framkvæmd fjárlaga og fjárstýring skal vera skilvirk og hagkvæm og í samræmi við lög þessi, fjárlög og fjáraukalög.
• Ráðherra hefur umsjón og eftirlit með að skipting fjárheimilda í fjárveitingar, framkvæmd fjárlaga, fjárreiður ríkisaðila og fjárstýring séu í samræmi við ákvæði laga þessara. Hann setur reglur þar að lútandi, veitir leiðbeiningar um framkvæmd fjárlaga og fylgist með að eftir þeim sé farið.
• Hver ráðherra ber ábyrgð á og hefur virkt eftirlit með framkvæmd fjárlaga á sínu málefnasviði. Hver ráðherra ber ábyrgð á að ráðstöfun fjárheimilda sé innan þess ramma sem Alþingi ákveður.

Það er ekki hægt að setja ný Fjárlög fyrir árið, né bráðabrigðafjárlög. Það er nokkuð skýrt í Stjórnarskránni.

Okkur er algjörlega misboðið

Athugasemdir

[Þjóðólfur i Frekjuskarði 12.3.2017 kl. 10:18]

Þegar ríkir neitaði að gera jarðgöng gegnum Frekjuskarðið mitt þá tók ég gamla Black og Decker og boraði gögn. Það tók tók bara hálfa öld. - Hvurs vegna malbika Djúvogsingar ekki fyrir sinn pening fyrst innkoman er svona góð? Svo má rukka fjárann sjálfan þegar hann liggur vel við höggi...

[Þjóðólfur í Ógöngum 12.3.2017 kl. 10:20]

Pé-ess: Avsagið stavsednýnguna...

[Jóhannes Laxdal Baldvinsson, 12.3.2017 kl. 14:24]

Axel, þú gleymir aðalatriðinu sem er að það var ríkisstjórn Sigurðar Inga sem samþykkti fjárlög fyrir 2017.

Og í staðinn fyrir að böðlast á ráðherraræflinum þá á bara þetta þing að taka upp þessi fjárlög sem samþykkt voru í bráðræði og algerlega án ábyrgðar.

[Axel Þór Kolbeinsson, 12.3.2017 kl. 14:51]

Jóhannes. Fjárlögin voru samþykkt 22.12.2016 og Því voru allir þeir sömu þingmenn á þingi og í dag.

Fjárlögin voru ekki samþykkt "í bráðræði og algerlega án ábyrgðar". Frumvarpið var lagt fram þann 6.12.2016 af starfandi Fjármálaráðherra, Bjarna Benidiktssyni, og fékk sömu þinglegu meðferð og venja er. 20 þingmenn Sjálfstæðisflokksins kusu með frumvarpinu, eða nándar 2/3 hluta núverandi stjórnarmeirihluta á meðan þingmenn BF og Viðreisnar sátu hjá.

Eins og ég lýsti hér að ofan er ekki hægt að setja ný fjálög eða bráðabrigðafjárlög. Ekki eftir að nýtt fjárhagsár er hafið.

Þar með hefur ráðherrann ekkert annað val en að framfylgja lögunum.

[Jóhannes Laxdal Baldvinsson, 12.3.2017 kl. 15:59]

Axel, ég var að benda á það sérstaka ástand að hér voru haldnar óvæntar kosningar með tilheyrandi vandræðagangi við myndun löglegrar ríkisstjórnar. Ríkisstjórnin sem lagði fram fjárlögin var starfsstjórn með takmarkað umboð.  Þingmennirnir voru svo margir hverjir nýgræðingar á þingi og umræðan því í skötulíki.  Þeir sem vissu þögðu af ótta við að skemma fyrir hugsanlegum stjórnarþreifingum.

[Axel Þór Kolbeinsson, 12.3.2017 kl. 16:57]

Það má vel vera að aðstæður hafi verið eitthvað sérstakar en það breytir ekki lögunum.