Fyrst er sótt um aðild...

...svo hefjast viðræðurnar.  Það er ekki á hinn veginn farið.

 

61,2% vilja aðildarviðræður

Athugasemdir

[Guðrún Sæmundsdóttir, 6.5.2009 kl. 22:32]

Hvað eru þessi 61,2% eiginlega að hugsa?

[Axel Þór Kolbeinsson, 6.5.2009 kl. 22:36]

Nú vil ég ekki alhæfa, en mig grunar að margir viti ekki hvernig aðildarferlið virkar.  Hér er búið að sannfæra marga um það að við ætlum ekkert að ganga í ESB, bara fara og spjalla við sambandið og sjá hvað er í boði.

Því miður virðist svo vera að þeir sem heitast vilja í sambandið eiga næga peninga til að auglýsa sinn málstað meðan við hin eigum bara bágt.

[Guðrún Sæmundsdóttir, 7.5.2009 kl. 10:36]

Sammála.

[Kolbrún Hilmars, 7.5.2009 kl. 17:04]

Ég las einhvers staðar á blogginu nýlega svona "gesstimate" um að 1/3 þjóðarinnar væri fylgjandi ESB aðild, 1/3 á móti og 1/3 væri svosem alveg sama og nennti því ekkert að kynna sér málin.  Er ekki frá því að eitthvað sé til í því.

En ég held að síðasttaldi þriðjungurinn vilji ekki viðurkenna áhugaleysi sitt og afgreiði það með því að segjast vilja "skoða pakkann" fyrst.  Það er sjónarmið útaf fyrir sig - en mikið skolli getur það sjónarmið reynst okkur öllum dýrkeypt.

[Axel Þór Kolbeinsson, 7.5.2009 kl. 19:05]

Það er sennilega rétt greining Kolbrún miðað við skoðanakönnunina.

[Axel Þór Kolbeinsson, 7.5.2009 kl. 19:07]

Ég hefði viljað sjá greiningu á þessari könnun varðandi landshluta, kyn og aldur.

Ég er nokkuð viss um að andstaða gegn aðild og aðildarviðræðum er meiri á landsbyggðinni.

[Axel Þór Kolbeinsson, 8.5.2009 kl. 12:02]

Hérna er greining á könnun sem SI lét gera fyrir sig í desember þegar fólk var hlynntara inngöngu í ESB.  Ég býst við því að greiningin gæfi svipaða niðurstöðu í dag, þ.e. að landsbyggðarfólk er 10% adnvígara inngöngu í ESB en Höfuðborgarbúar og nærsveitamenn, andstaðan sé mest hjá ungu fólki og því elsta og fólki sem vinnur í grunnatvinnuvegum, s.s. lanbúnaði, fiski og almennum þjónustustörfum.

Þeir sem eru hlynntastir inngöngu í ESB er skrifstofufólk, listamenn og fagfólk í opinbera geiranum.

[Axel Þór Kolbeinsson, 8.5.2009 kl. 12:03]

Eitthvað mistókst þeta hjá mér.  Hér er myndin.

[Björn Heiðdal, 8.5.2009 kl. 21:35]

Skrítið hvað harðir ESB sinnar vilja lítið ræða gallana.  Ekkert um Lissbon sáttmálann en þeim mun meira um lýðræði og lágt matarverð.  Áróður?

[Axel Þór Kolbeinsson, 8.5.2009 kl. 21:50]

Þess hugsun um að allt matarverð muni lækka í verði á einhvern undraverðan hátt við inngöngu í ESB er nánast barnaleg.  Einu matarverðin sem myndu mögulega lækka eru þær landbúnaðarvörur sem við höfum verndartolla á í dag, en það kæmi sér aftur illa fyrir landbúnað á Íslandi.

Fólk virðist ekki skilja að flutningskostnaður mun ekki lækka þó við göngum í ESB og álagning þarf áfram að vera hærri hérna vegna smæð markaðarins og kröfu almennings um fjölbreytni í þjónustu, verslun og afþreyingu

T.d. eru í bænum Zwolle í Hollandi aðeins tvö kvikmyndahús með samtals þrjá sali, tvær vídeóleigur og nokkrar matvöruverslanir.  Í Zwolle búa örlítið fleiri en í Reykjavík.