Samstöðufundur í stað mótmæla.

Börn Íslands hafa hætt við að mótmæla á miðvikudaginn og fylkja sér í staðin með InDefence og fleiri hópum á fimmtudaginn 13. ágúst frá kl. 17:00 - 18:00.

Verður þar um að ræða samstöðufund fyrir alla fjölskylduna þar sem tónlistarmenn og landsþekkt fólk kemur fram.

Facebook síða Barna Íslands.

Við hvetjum alþingi til þess að samþykkja ekki ríkisábyrgð miðað við núverandi Icesave samninga. Við erum ekki tilbúin að láta framtíð barna Íslands að veði.

Facebook síða InDefence.

Sýnum þingmönnum okkar, fulltrúum erlendra fjölmiðla og öðrum ríkjum í alþjóðasamfélaginu að Íslendingar standa saman. Við viljum sanngjarnan Icesave samning sem þjóðin getur staðið við.

 

Stjórnarsamstarf undir Ögmundi komið

Athugasemdir

[11.8.2009 kl. 09:49]

Sonur minn ætlar að mæta fyrir hönd fjölskyldunnar sem býr svo langt í burtu frá ykkur. Gangi ykkur vel þennan dag.

[Guðmundur Ásgeirsson, 11.8.2009 kl. 10:01]

Gott mál, námsmannahreyfingarnar ætla líka að vera þarna á þessum tíma til að minna á sín baráttumál.

[Guðni Karl Harðarson, 11.8.2009 kl. 12:06]

Ég mun svo sannarlega mæta og hvetja fólk til að mæta líka.

Ætla að búa til auglýsingu og ganga um með á öllu stóra vinnusvæði mínu!

[Katrín, 11.8.2009 kl. 12:26]

Gangi ykkur og vel.  Verð með ykkur í anda en fjarlægðin er of mikil til að ég geti verið með.  Þakka þér svo ötula baráttu í þágu landsins barna.

[Friðrik Björgvinsson, 12.8.2009 kl. 01:36]

Ég þarf um langann veg að fara eins og svo margt landsbyggðarfólk og við erum bara á fullu að reyna að ná endum saman, sem við höfum reyndar verið að gera síðustu 15 árin. Það er svona nokkurnveginn sá tími sem er liðin frá því að efnahagshrunið varð hjá okkur.

Ég styð enganveginn þetta samkomulag og vill hreinlega ekki trúa því að það verði niðurstaðan. Ég ætla að senda samt sem áður dóttur mína sem býr á höfuðborgarsvæðinu til þessa fundar.

Ég vill benda fólki á að þetta getur haft alvarlegar afleiðingar fyrir þjóðina til skamms tíma litið en ekki til framtíðar. Því við fáum tækifæri til að taka verulega til í næstu kosningum og vonandi tekst að kljúfa þetta flokksræði í þeim.

Þetta var einkafyrirtæki sem fóru svona með gráðuga (en saklausa) saprifjáreigendur og það bara fellur ekki að minni réttlætiskennd að þjóðin öll eigi að greiða þessar upphæðir. Mín tilfinning er sú að það er verið að lauma inn orðum í umræðunni eins og að við verðum að standa við alþjóðaskuldbindingar, við verðum að vera í sátt við alþjóðasamfélagið osfv.

Þetta er allt til komið vegna samninga við EB og löggjöfin eða lagaumhverfið var bara ekki sterkara en þetta og því ætti EB að taka mun meiri ábyrgð á sig í þessu máli. Það er kannski dæmigert og áhugavert hversu mikið tillit er tekið til Íslands í þessu máli að hálfu EB og hverssu mikill stuðningur hefur komið úr þeirri átt. ER ég að misskilja það kannski? Hefur EB verið okkur hlið hollt í þessu máli? Ég hef ekki séð það.

Ég ætla ekki að fara að skrfa ræðu hér en ég styð þetta framtak ykkar fullshugar.

[Anna Sigríður Guðmundsdóttir, 12.8.2009 kl. 02:29]

Axel! Gleðilegt að sjá svona jákvætt innlegg í baráttu heiðarlegra íslendinga. Samstöðufundur er miklu uppbyggilegra en mótmælafundur og mun skila miklu jákvæðara viðhorfi til allra.

Orðið mótmæli hefur alltaf stungið í stúf við eitthvað réttlætis-jákvætt viðhorf mitt. Meðmæli hins réttláta er í mínum augum jákvætt og líklegra til raunhæfs árangurs fyrir réttlætisbaráttu.

Kanski er ég bara óttalegur kjáni að margra mati að hafa þessa sýn. En mér er alveg sama hvað öðrum finnst og ætla svo sannarlega að standa með afkomendum þessarar þjóðar. Ég mæti með minn ynsta afkomanda. Takk fyrir gott framtak Axel.

[Guðni Karl Harðarson, 12.8.2009 kl. 11:20]

Anna eftir því sem ég best veit þá stjórnar Axel þessu ekki. Þarna eru hópar eins og Indefence og Börn Íslands og ýmsir sem eru vanir að skipuleggja og fá "þjóðþekkta einstaklinga"  til að vera með........

Hinsvegar er ég spenntur fyrir að vita hvað eigi að gera og hvernig þessu verði stjórnað. Því ef ræður verða þá virkar það dálítið eins og mótmæli??

Ég vonast eftir að Indefence lesi upp úrdrátt úr skjalinu sem þeir skiluðu til alþingis?!

[Axel Þór Kolbeinsson, 12.8.2009 kl. 11:28]

Frétt um samstöðufundinn á Vísi:

„Við lítum svo á að það sé kominn tími til að við Íslendingar, sem erum sérfræðingar í að rífast innbyrðis, rísi upp úr pólitískum hjólförum og sýni að við erum ein þjóð sem stendur saman þegar skórinn kreppir," segir Jóhannes Þ. Skúlason, meðlimur í hinum svokallaða InDefence-hópi.

Hópurinn boðar til samstöðufundar á Austurvelli klukkan 17 á morgun, fimmtudag. Jóhannes tekur fram að ekki sé um mótmæli að ræða, og því sé óþarfi að taka potta og sleifar með.

Jóhannes segir hópinn treysta þingmönnum til að taka réttar ákvarðanir í Icesave-málinu. Fundinum sé því öðru fremur ætlað að sýna umheiminum að Íslendingar vilji sanngjarna lausn á málinu og sætti sig ekki við þá afarkosti sem þeim séu settir.

Á fundinum verða fluttar stuttar ræður og búast má við því að landsþekktir tónlistarmenn troði upp, segir Jóhannes. Hann segir erlenda fjölmiðla hafa boðað komu sína, og því ríði á að sýna samstöðu með því að mæta.

Segja má að fundurinn sé liður í kynningarstarfi sem InDefence-hópurinn hefur skipulagt, og verður fréttum af fundinum fylgt eftir með greinaskrifum um stöðu Íslands og Icesave-málið í erlendum fjölmiðlum, segir Jóhannes.

Ekki er minnst á aðra hópa eins og t.d. Börn Íslands í fréttini.  En það má þó sjá að það verði ræður og tónlistaratriði.