Leikur - Bandalög heimsins.

Mér datt í hug að setja upp smávægilegan leik sem reynir á gagnrýna hugsun, hugmyndaflug og góð rök.  Hugmyndin kviknaði út frá pælingum mínum á vef Guðmundar Ásgeirssonar í gær.

En málið er einfalt.  Ég vil að þið skoðið möguleika á ríkjabandalögum í öllum heiminum og færið sæmileg rök fyrir því hvers vegna viðkomandi lönd eiga hagsmuni saman.  Ég tók mér það bessaleyfi að byrja og er búinn að setja inn á myndina ESB ásamt fyrirséðum stækkunum, "Atlantis" (Noregur, Ísland, Grænland, Færeyjar, Skotland og Írland) og N-Ameríkubandalag.  Ég mun svo uppfæra myndina eftir því sem fleiri bandalög myndast.

 

Ath.  Þessi leikur endurspeglar ekki hugmyndir höfundar.  Leikurinn er eingöngu hugsaður til skemmtunar.

Ísland og Noregur myndi með sér bandalag

Athugasemdir

[Axel Þór Kolbeinsson, 20.8.2009 kl. 11:46]

Ég bætti við bandalagi S-Ameríkuríkja.

[Guðmundur Ásgeirsson, 20.8.2009 kl. 12:35]

Þarna mætti líka bæta við Afríkusambandinu, sem var formlega stofnað 9. júlí 2002 og hefur meðal markmiða sinna sameiginlegt efnahagssvæði. Sameiginlegur seðlabanki með myntina Afro á svo að verða tilbúinn um 2020. Uppbygging þessa fyrirhugaða sambands er að mestu leyti byggð á módeli Evrópusambandsins. Eins og sjá má á meðfylgjandi mynd eru öll ríki Afríku aðilar að sambandinu fyrir utan Marrokkó sem sagði sig árið 1984 úr OAU en það var var forveri þessa sambands. Guineu og Madagascar hefur auk þess verið vísað úr sambandinu af vegna "pólitísks óstöðugleika", og Eritrea hefur dregið fulltrúa sinn úr sambandinu vegna óánægju með óleystar landamæradeilur við Eþíópíu.

[Axel Þór Kolbeinsson, 20.8.2009 kl. 13:12]

Bætti við Afríkubandalaginu með þeim löndum sem eru ekki fullir meðlimir í dag + Marakkó.  Bætti líka við hugmyndinni að Mið-Asíu bandalagi.

Ætti ég að telja nýlendur Evrópu til ESB eða utan?  Núna eru þar eingöngu héruð Frakklands.

[20.8.2009 kl. 13:14]

Bandalög heimsins á að leggja niður en ekki stofna ný.

[Axel Þór Kolbeinsson, 20.8.2009 kl. 13:16]

Þetta er bara leikur hjá mér Sigurlaug mín.

[Axel Þór Kolbeinsson, 20.8.2009 kl. 14:06]

Ég skelli nýlendum Evrópu með, og bæti Sviss og Lichtenstein með í ESB.

[20.8.2009 kl. 16:27]

Ég veit það nú Axel En oft fylgir gamni nokkur alvara, og því legg ég þessa skoðun í púkkið

[Sigurbjörn Svavarsson, 20.8.2009 kl. 20:42]

Ef við hugsum slík bandalög eftir svæðisbundnum (hafssvæðum) hagsmunum Ég myndi ég bæta Kanada og Rússlandi við "Atlantis", jafnvel USA. 

Ef við hugsum um efnahaglega hagsmuni, þá erum við best komnir í EFTA ásamt sérsamninga okkar íslendinga við ýmis ríki (USA ofl), mottóið "viðskiptasamninga við allar þjóðir á jafnréttisgrundvelli.

[Skúli Guðbjarnarson, 26.8.2009 kl. 08:58]

Flott kort Axel.

Sjálfur hef ég bent á þetta norðurbandalag og einmitt kallað það Atlantis. Mér finnst þetta mjög spennandi kostur sem gefa ætti góðan gaum.

[Axel Þór Kolbeinsson, 26.8.2009 kl. 09:05]

Sæll Skúli.

Ég er volgur fyrir hugmyndinni.  Hér er samanburðarmynd af Atlantis og ESB (án Íra og Skota).  Þú mátt nýta hana eins og þú vilt.