Líka í Hveragerði

Þegar ég fór út í morgun var einmitt eins umhorfs hér.  Ætli þetta hafi náð í Reykjavík?

Grábrúnn himinn á Selfossi

Samherji kaupir Margréti EA af Samherja

Samherji og SÚN hafa átt ráðandi hlut í SVN í hátt í áratug.  Ef ég man rétt gerðist það árið 2003 og var SVN skráð úr kauphöllinni þegar það gerðist.

En hvað var gert við gamla Beiti?  Svar óskast frá fyrrum vinnufélögum.

Síldarvinnslan kaupir Margréti EA-710

1. maí

Alþýðusamband Íslands og verkalýðshreyfingin hefur undanfarna öld gætt hagsmuna launafólks á Íslandi.  Til að byrja með var alþýðuhreyfingin samofin stjórnmálalífinu, en það breyttist árið 1940 þegar Alþýðuflokkurinn var skilinn frá Alþýðusambandinu til þess að sem flestir gætu tekið þátt óháð pólitískum skoðunum.  Þetta var mikið happaskref því á fáum öðrum stöðum í heiminum er jafn mikil þáttaka almennings í vekalýðsfélögum og einmitt hér á Íslandi.

Undanfarin ár hefur verkalýðsforustan beygt af þessari leið og reynt að beita hreyfingunni fyrir sínum eigin pólitísku hugmyndum sem eiga lítið skylt við þá hugmyndafræði sem sem gerðu verkalýðshreyfinguna að því sterka afli sem hún er; vinna að hagsmunum launafólks óháð pólitískum skoðunum.

Sjálfur vann ég töluvert innan verkalýðshreyfingarinnar, en aldrei hefði mér dottið það í hug að beita mér fyrir mínum eigin pólitísku skoðunum innan hennar.

Barátta launafólks ætti að mínu mati að snúast inn á við til þess að breyta þessu, því ef ekkert er að gert verður verkalýðshreyfingin meira í ætt við hreyfingarnar í s-Evrópu þar sem um 20%-30% launamanna taka þátt og hreyfingin er lítið annað en framlenging á stjórnmálalífinu.

„Við viljum vinnu“

Skýrsludagur

Er það nokkuð nýtt sem kemur fram í skýrslunni annað en var vitað og grunað?

Látið mig vita þegar þið eruð tilbúin að ræða um framtíðina.

Ekki raunhæft

Strax á þriðjudag eða miðvikudag munu stjórnmálamenn fara að hnýta hvern í annan til að beina athyglinni frá eigin skít.  Spurningin er hvað almenningur geri...

Varist dómhörku og sleggjudóma

Hvað um kynningarefni?

Það sem væri lang skynsamlegast að gera varðandi tengsl Íslands við meginlandið væri að gefa út gott kynningarefni um áhrif fyrri samninga (EFTA, EES o.sv.frv.) og svo hverjar fyrirsjánlegar breytingar verða við inngöngu í ESB.  Lítið mál er að setja aðildarumsóknina á ís í stað þess að draga hana til baka.  Þetta gerðu Svisslendingar í byrjun tíunda áratugsins, en aðildarumsóknin þeirra er samt enn virk sem slík þótt ekki sé unnið að henni.  Þetta væri í það minnsta ágætis málamiðlun.

Betra að fresta ESB-viðræðum en halda þeim áfram í óvissu

Mánuði eftir þjóðaratkvæði

Í byrjun mars töluðu forsvarsmenn ríkisstjórnarinnar um að stutt væri í nýja samninga og að yfirvofandi þjóðaratkvæðagreiðsla væri marklaus þar sem nánast væri búið að semja.

Mikið er nú gott að maður skyldi hafa mætt á kjörstað þrátt fyrir þessar fullyrðingar.

Engir Icesave-fundir ráðgerðir

Ef það tekst ekki í fyrsta skipti...

...þá er best að reyna aftur og aftur og aftur...

Töflutölvur eru ekkert nýtt í tækniheiminum, og iPad er ekki sú fyrsta sem Apple kemur á markaðinn.

Hugmyndin að töflutölvum tók tíma að þróast, en fyrir um hálfri öld er hugmyndin komin fram í grófum dráttum.  Síðan á níunda áratug síðustu aldar hafa verið gerða ótalmargar tilraunir til að markaðssetja töflutölvur en almenningur hefur ekki tekið við sér.  Helst hafa þær náð fótfestu í vöruhúsum þar sem starfsfólk notar þær til að eiga auðveldara með að skrá inn og út birgðir.

Hvort tími töflutölva sé loksins kominn núna verður tíminn að skera úr um.

Margir biðu eftir iPad

Skortur á hugmyndum?

Ef íslensk stjórnvöld telja það svo mikilvægt að fá lán upp á nokkra milljarða dala, hvers vegna hafa þau ekki leitað eftir því utan venjulegra leiða?  Nú eru nokkur ríki sem myndi örugglega ekkert leiðast það að stríða vesturlöndum og lána íslenska ríkinu einhverja fjárhæð, jafnvel þótt sú upphæð fengist aldrei borguð.  Þarna á ég við lönd eins og Kína, Venesúela, Íran og fleiri.

Ríki eiga ekki vini, einungis hagsmuni.

Ísland kann að skorta stuðning

VG yfirgefur stjórnarsamstarfið

Þingflokkur VG á fundi