Epli og appelsínur

Það er eins og að bera saman epli og appelsínur að ætla að bera saman niðurstöður skoðanakannana tveggja mismunandi fyrirtækja.  Vissulega eiga epli og appelsínur meira sameiginlegt en ekki, en til þess að fá réttan samanburð er rétt að bera saman tvö epli eða tvær appelsínur.

Þessvegna er réttara að bera saman núverandi skoðanakönnun Capacent við þá síðustu sem sama fyrirtæki gerði um sama málefni.

9. mars birtust í fjölmiðlum niðurstöður kannanar sem Capacent gerði um hvað fólk hefði í hyggju að kjósa í komandi þjóðaratkvæðagreiðslu.  Í þeirri skoðanakönnun kom fram að 63% ætluðu sér að kjósa með lögunum, 34% á móti og 3% að skila auðu.  Ef svörin í þeirri skoðanakönnun sem Áfram lét gera eru borin saman við kemur eftirfarandi fram:

Stuðningur við Icesave-lögin hefur minnkað úr 63% niður í 55% og andstaðan hefur aukist úr 34% í 43,2%.  Glöggir lesendur taka líklega eftir spurningamerkinu við liðnum vika 7, en það er vegna þess að ég er ekki viss hvenær nákvæmlega þessi spurning er spurð í þjóðarpúlsinum.  Vika 7-8 er á réttu róli.  Vikur 9 og 11 koma fram í því skjali sem Áfram hópurinn dreifði.

Ég tek s.s. saman þá sem ætla örugglega og líklega að segja já/nei og hef þá sem ætla að skila auðu sér og útiloka óákveðna þar sem sú tala kemur ekki fram í þjóðarpúlsinum.

 

Ekki gleyma því svo að það er ekkert mál fyrir hvern sem er að ljúga með tölum.  Farið og reiknið þetta sjálf.

56% segja ætla að styðja lögin

Athugasemdir

[Che, 25.3.2011 kl. 22:45]

Ég veit ekki hvort þú hafir tekið eftir því, Axel, en efni í hægri dálki liggur ofan á litaskýringunum. Það er ekki hægt að sjá hvaða litur á við hvaða viku, því síður spurningarmerkinu. Gætirðu frætt um það? Ég get þó séð út frá færslu þinni og grafinu, að bláa súlan á við 9. marz, sem var í viku 10. Þá get ég gizkað á, að gula súlurnar eiga við síðustu könnun, sennilega gerð í viku 11, en á þá rauða súlan við viku 7? Eller hur?

[Axel Þór Kolbeinsson, 25.3.2011 kl. 22:49]

Sorrý.  Blá súlan er vika 7?, rauða vika 9 og sú gula vika 11.  Þú getur séð myndina í fullri stærð með að smella á hana.

[Þórður Björn Sigurðsson, 26.3.2011 kl. 00:52]

Athugið að svarhlutfallið í nýju könnuninni er 62,2%.

[Che, 26.3.2011 kl. 01:54]

"Þú getur séð myndina í fullri stærð með að smella á hana."

Já. ég fattaði það ekki. Enda er föstudagskvöld.

[Sigurður Haraldsson, 26.3.2011 kl. 06:22]

Þetta eru landráð sagði ég af þingpöllum 23.12.2009 skoðun mín hefur frekar harðnað hvað það varðar því að æ fleiri landráðamenn eru að koma fram undir merkjum flokksmafíunnar og ætla að fylgja henni í dauðann!