Atvinnuleysi að aukast í fyrsta skipti í 33 ár?

Ekki veit ég hvaðan moggamenn fá þær tölur.  Miðað við þessa síðu hér þá hefur atvinnuleysi í Þýskalandi rokkað upp og niður undanfarin 28 ár eins og annasstaðar.  Að meðaltali hefur atvinnuleysið verið í kring um 8%.

Ekki get ég gagnrýnt heimildir þeirra fyrir mesta samdrætti í 60 ár, en 3% samdráttur er allaveganna það mesta síðan 1980, en ekki hefur mælst meiri samdráttur en 1% á því tímabili.

Björgun rædd í Þýskalandi

Athugasemdir

[Jón Hannes Sigurpálsson 12.1.2009 kl. 13:55]

Bíddu við, er ekki Þýskaland í ESB?  Og eru þeir ekki með efnahagslega alsælulyfið, E-töfluna EVRU???   Á ekki aðild að ESB þýða endalausa efnahagslega sælu þar sem aldrei koma kreppur?  Svo ber að skilja á ESB-sinnum hér á landi.   Hvað er að gerast í Þýskalandi????  Hvað klikkaði hjá ESB????  Getur einhver upplýst mig um það???

Veit ekki til annars en að atvinnuleysi hafi verið viðvarandi 10-12% Þýskalandi síðan 1990.  Og samt er þetta land aðili að "efnahagsundrinu" ESB.  Hvað er að gerast í Þýskalandi?  Geysaði 3. heimstyrjöldin þar sem rústaði efnahag landsins?

Halló ESB-sinnar!  Eruð þið þarna?  Getið þið útskýrt þetta fyrir okkur?  Eða eruð þið uppteknir núna við að semja trúlega útskýringu á þessum vanda ESB-ríkisins Þýskalands???  Halló ESB-sinnar!!!   Hvar eruð þið???

[Historiker, 12.1.2009 kl. 14:46]

Jón Hannes: Það er ekkert hrunið í þýskalandi. Efnahagur landins er mjög góður eins og sést á þeim aðgerðum sem grípa á til á næstunni. Síðan eru atvinnuleysistölur frá Þýskalandi mjög villandi ef maður tekur ekki með í reikninginn að margir íbúa fyrrverandi DDR kunna ekki eða nenna ekki að leita sér að vinnu (þ.e.a.s þeir sem aldir eru upp við að ríkið skaffi slíkt). Ég get fullyrt að allir þeir sem nenna að leita að vinnu í Þýskalandi, fá hana.

[Axel Þór Kolbeinsson, 12.1.2009 kl. 15:13]

Sælir Jón Hannes og Historiker.

Fyrir það fyrsta hefur atvinnuleysi í Þýskalandi ekki verið viðvarandi 10% - 12%, né jókst það við sameiningu Þýskalands.  Atvinnuleysi í Þýskalandi jókst úr 3,4% árið 1980 í 8,2% árið 1983.  Á því tímabili sem Þýskaland sameinaðist minnkaði atvinnuleysið úr 7,8% árið 1988 í 5,5% árið 1991.  Frá 1994 hefur atvinnuleysi í Þýskalandi rokkað frá 6,9% upp í 10,6%.

[Elvar Steinn Kjartansson 12.1.2009 kl. 15:20]

Ég bý sem námsmaður í Þýskalandi og get fullyrt að venjulegt fólk hér finnur nákvæmlega ekkert fyrir þessari kreppu, enda hefur flest fólk hér þann góða vana á að safna fyrir nokkurnveginn öllu sem þau kaupa og nota helst ekki kreditkort  né taka lán eins og við.

 Historiker hefur einnig rétt fyrir sér að atvinnuleysishlutfallið hér er mun hærra í austurhlutanum en í vesturhlutanum (þar sem ég bý er það t.d. 3%), þó ég þori ekki að fullyrða að það sé einungis vegna leti - Austur-Þýskaland er ennþá í verulegri uppbyggingu eftir að hafa verið hluti soviet í svo mörg ár sem það var. Jafnframt er það rétt eftir minni reynslu að ef menn nenna að leita þá finna þeir hér vinnu.

[Elvar Steinn Kjartansson 12.1.2009 kl. 15:24]

Góð síða með góðum gögnum:

http://www.spiegel.de/flash/0,5532,12125,00.html

[Axel Þór Kolbeinsson, 12.1.2009 kl. 15:35]

Sæll Elvar og takk fyrir hlekkinn.

Það er áhugavert að sjá muninn á atvinnuleysi á milli landshluta í Þýskalandi, og gaman væri að sjá sambærilegann samanburð fljótlega eftir sameiningu.  Atvinnuleysi á Íslandi er líka mjög mismunandi á milli landshluta.  Miðað við síðustu opinberar tölur sem eru frá Nóvember þá var meðalatvinnuleysi á Íslandi 3,3% en 0,6% á vestfjörðum og 7,2% á suðurnesjum.

[Jón Hannes Sigurpálsson 12.1.2009 kl. 16:09]

Pjúfff, Historiker ESB-sinni.  ESB virkar þá og er þá þetta sælubandalag sem þið predikið um. 

Ég get líka bent á að það var nær ekkert atvinnuleysi hér á landi - (ca. 0,5% árið 2007 og ca. 1% árið 2008) - áður en að krónunni var nauðgað af spákaupmönnum.

Elvar, hvaða "venjulega" fólk í Þýskalandi ert þú að tala um, sem finnur ekkert fyrir kreppu þar í landi?  Varla eru það þessi ca. 9% sem eru atvinnulaus. 

Svona var atvinnuleysis í Þýskalandi á árunum 1969-2007 skv. heimildum frá OECD:

	GERMANY, Unemployment/Rate/Registered/All persons, %.
1965
1966
1967
1969	0,665
1970	0,583
1971	0,718
1972	0,933
1973	1,048
1974	2,243
1975	4,060
1976	3,983
1977	3,918
1978	3,768
1979	3,290
1980	3,385
1981	4,865
1982	6,783
1983	8,160
1984	8,115
1985	8,183
1986	7,893
1987	7,898
1988	7,790
1989	7,095
1990	6,418
1991	5,868
1992	7,743
1993	8,933
1994	9,577
1995	9,443
1996	10,393
1997	11,480
1998	11,073
1999	10,508
2000	9,615
2001	9,375
2002	9,793
2003	10,518
2004	10,558
2005	11,725
2006	10,778
2007	9,023

Það mega þó Þjóðverjar eiga, þeir reyna þó að gera eitthvað til að bæta efnahaginn.  Stjórnvöld hér á landi gera ekki neitt.  Þau halda að það að ganga í ESB lagi efnahag landsins að eilífu.

[Axel Þór Kolbeinsson, 12.1.2009 kl. 17:38]

Takk fyrir þessar tölur frá OECD Jón Hannes.  Þær sýna, ásamt tölum Spiegel sem Elvar hlekkjaði í að atvinnuleysi í Þýskalandi er ekki að aukast í fyrsta skipti í 33 ár eins og mbl.is vill halda fram.