Hafa bretar áhuga á EFTA?

Bretland var eitt af stofnríkjum EFTA á sínum tíma ásamt sex öðrum ríkjum, en þrjú þeirra sitja þennan fund - Noregur, Svíþjóð og Danmörk.  Eystrasaltslöndin voru eins og flestir vita hluti af Sovét á þeim tíma.

Eins og kemur fram í fréttinni eru þau ríki sem eru á þessum fundi stundum kölluð "köldu ríki" ESB, þótt það eigi sérstaklega við um Breta, Dani og Svía að mínu mati.  Það gæti verið áhugaverð framvinda ef þessi ríki hyrfu úr ESB og gerðust aðilar að EFTA þótt það sé mjög ólíklegt.  En hver veit - kannski munu einhver fyrrverandi EFTA-ríki snúa aftur.

Norrænn leiðtogafundur í London

Alvarlegt klúður

Þetta telst vera stórt klúður, að hafa aðeins afritað 4 mínútna myndskeið en ekki alla atburðarrásina.  Þetta hlýtur að veikja málflutning ákæruvaldsins mikið.  Maður hefði haldið það að einhverjar starfsreglur væru til á þinginu varðandi svona uppákomur, og þótt svo væri ekki hafa starfsmenn haft heila 10 daga til að hugsa fyrir því að taka afrit af allri atburðarrásinni.

Það vaknar sú óþægilega spurning aftarlega í höfðinu á mér hvort mögulega hafi eitthvað verið óþægilegt fyrir lögreglu eða þingverði fyrir eða eftir þennan 4 mínútna myndbút?

Aðeins bútur til af myndskeiði

Misjafn sauður í mörgu fé

Það er merkilegt að í nánast hvaða hópi sem er eru einstaklingar, oftast ungir karlmenn, sem þurfa að láta alla vita hversu vel vaxnir niður þeir séu.  En í hópi sem taldi allt að 1.000 manns samkvæmt einum fjölmiðli, þótt aðrir segi 300 - 400 (mín ágiskun er um 800 þegar mest var) hljóta alltaf að vera einhverjir.

Verra er þó þegar þess háttar fólk er í lögreglunni á sama tíma því það gerir ekkert annað en að reyta fólk til reiði.  Einn lögregluþjónn fór yfir strikið að mínu mati þegar kveikt var í bálkesti í annað sinn því í stað þess að fylgja félaga sínum framhjá þeirri tunnu sem ég og frúin mín börðum varð hann að fara hinummegin við hana og ýta vel við mér og stjaka við frúnni í leiðinni.  Ekki höfðum við gert okkur líkleg til að stöðva för þeirra né höfðum við áður óhlýðnast fyrirmælum lögreglu um að trufla ekki umferð.  Ég snöggreiddist og mátti litlu muna að ég léti rörbútinn sem hafði nýst mér sem kjuði vaða í hnakkaspikið á honum.

En svona er þetta.  Það þarf alltaf einhver að sýna fyrir félögunum hve vel vaxnir niður þeir eru.

 

Svo smá útúrdúr í lokin.  Þegar keyrt er niður brekkur er það vitlausasta sem fólk getur gert að liggja á bremsunni í beygjum.  Hver kennir eiginlega fólki á sv-horninu vetrarakstur?

Eldar loguðu á Austurvelli

Girðingar halda ekki

Ef nægilega mikið af fólki er nægilega ákveðið halda því engar girðingar, en þær hjálpa þó lögreglu við að halda aftur af mannfjöldanum.  Það sem lögregla og ráðamenn hljóta að hræðast mest er margmenni fólks sem láta vaða - í það minnsta myndi ég gera það í þeirra sporum.

Annars væri nú rosalega táknrænt ef fólk ryddist inn í þinghús og fjarlægði stólana.

 

Tek það sérstaklega fram að ég er ekki að hvetja til uppþots né húsbrots, bara að hugsa upphátt.

Lögreglan girðir þinghúsið af

Stjórnvöld með puttana í stjórnlagaþingi

Þetta var svo sem viðbúið, að stjórnvöld og aðrir þrýstihópar muni gera allt sem þeir geta til að hafa áhrif á vinnu stjórnlagaþings.  En mér finnst það samt vera fyrir neðan allar hellur, og þá sérstaklega komandi frá framkvæmdarvaldi (þ.e. ráðuneyti) sem á að vinna eftir lögum þ.m.t. stjórnarskrá, en hefur ekkert lagasetningavald.

Skammastín Jón...

Jón sendi stjórnlagaþingi bréf

Fá aldrei mitt atkvæði

Þeir þingmenn sem samþykkja Icesave munu aldrei fá mitt atkvæði, né þau framboð sem þau verða í framboði fyrir.  Það er mitt besta boð, en gæti orðið verra.

Reikna með samþykkt Icesave

Mynd af styttunni

Stytta af lögreglukonu, sitjandi á hækjum sér við þvaglát...

 

Berrössuð lögreglukona hneykslar

Hált í Hveragerði og nágrenni

Fyrir þá sem eru á leið austur yfir fjall:

Staðan klukkan 18:30. 

Það er hált innanbæjar í Hveragerði og hálkublettir á þjóðveginum austur fyrir Kotstrandarkirkju.  Mestmegnis autt austur að Selfossi.  Innanbæjar á Selfossi var slabb sem gæti myndað mikla hálku þegar líður á kvöldið.  Það eru ekki alvarlegar hviður undir Ingólfsfjalli, en hliðarvindur af NNA ásamt smávægilegum hviðum og skafrenningi á milli Hveragerðis og Kotstrandar sem virðist vera að draga úr.

Þrír fastir vörubílar

47% tilbúin til að láta taka sig ósmurt

Ég gæti skrifað eitthvað röfl og nöldur, en ég hef varla geð til þess.

En mig langar til að spyrja þessi 47% hvort þau væru tilbúin að borga mér 500 milljónir hvert ef ég hótaði að brjóta á þeim hnéskeljarnar ef þau gerðu það ekki?

 

Tæpur helmingur vill samþykkja Icesave

Ögmundur reynir að toppa Jón

Mér finnst eiginlega miklu alvarlegra hve lyftan er hæggeng.  Og að hún skuli leita upp á fimmtu hæð þegar ég ætlast til að hún fari niður á fyrstu hæð, þar sem við erum stödd.

Miklir spaugarar í VG

Þingflokkur VG á sáttafundi