80 - 100 blaðsíðna kynningarbæklingur

Miðað við slétta 500 frambjóðendur tæki kynningin á þeim u.þ.b. 85 blaðsíður og svo þarf útskýringar á kosningafyrirkomulaginu og einhvern formála.

Já þetta eru merkilegar kosningar fyrir margt.  Nú fær fólk að reyna hvað persónukjör snýst um.  Þetta er þó einfaldara en kjör til þings þar sem kjósandi þarf eingöngu að kynna sér skoðanir frambjóðenda á einu stóru máli frekar en allri breiddinni sem þingmaður þarf að hafa.

 

Bæklingurinn stærri en reiknað var með

Framboð til stjórnlagaþings

Ég er víst einn af þeim hátt í 500 einstaklingum sem býð mig fram til stjórnlagaþings.  Ég mun skrifa eitthvað ítarlegra um mínar helstu áherslur á næstu dögum, en áhugasamir geta litið yfir eldri færslur.  Ég setti tengla á þær færslur sem ég tel eiga mest við stjórnarskrá hér í flokk til hægri sem heitir Tengt stjórnlagaþingi.

Góðar fréttir fyrir litlu stjórnmálasamtökin

Eins og ég hef bent á áður er töluvert til af litlum stjórnmálahreyfingum sem eiga alla möguleika á að koma sér og sínum stefnumálum á framfæri.  Það sem þeim hefur helst vantað er athygli almennings og fjölmiðla, í mis miklum mæli þó.

Það er mín von að nokkur ný framboð nái inn á þing í næstu kosningum og nái að eyðileggja gamla fjórflokkakerfið.

Það verður fróðlegt að fylgjast með þróuninni næstu misseri.

Listi yfir heimasíður stjórnmálasamtaka er hér til hægri á síðunni.

70% vilja ný framboð til Alþingis

Góðir frambjóðendur

Undanfarið hafa framboð einstaklinga til stjórnlagaþings verið að koma betur í ljós.  Margir þessara frambjóðenda eru hið besta fólk sem ég sjálfur myndi treysta fullkomnlega til verksins.  Sjálfsagt á enn eftir að bætast í hóp frambjóðenda og munu þeir líklega verða talnir í hundruðum.

Sjálfur mun ég bætast í hóp þeirra sem fyrir eru.

Boða framboð til stjórnlagaþings

10.10.10 = 42!

Dagsetningin í dag er flott ein og sér, en ef við gefum okkur að 101010 sé skrifað í tvíundakerfi þá er dagurinn í dag líka 42.  Ætli dagurinn í dag sé stóra svarið?  Efast um það, en skemmtileg tilviljun fyrir aðdáendur Douglas Adams.

Ég hef góðar fréttir

Þessi tæpi helmingur kjósenda á sér aðra valkosti, en það krefst meira en bara að mæta á kjörstað.  Hér á landi er nefnilega mikið af litlum og jafnvel nýjum stjórnmálafélögum sem eru komin mislangt í sinni þróun sem myndu þiggja þína aðstoð.  Ég hvet ykkur til að líta yfir listann þar sem ég hef safnað saman heimasíðum þeirra og sjá hvort ykkur lítist ekki á einhvert þessara félaga.

48,8% ætla ekki að kjósa, skila auðu eða eru óvissir

Ég vil leiðrétta Róbert

Ólafur Ragnar hefur til dæmis ekki enn komið í opinbera heimsókn til alþjóðastofnana hér í Brussel til að kynna sér heimsmálin.

 

ætti að vera;

Ólafur Ragnar hefur til dæmis ekki enn komið í opinbera heimsókn til fjölþjóðastofnana hér í Brussel til að kynna sér Evrópumálin.

„Ólafur Ragnar farinn að skilja heiminn"

Þarf ekki að endurnýja flokkana líka?

Ég er á því að ef þörf er á að endurnýja umboð þingmanna þá megi líka skoða hvort það megi ekki líka endurnýja umboð stjórnmálaflokkanna.  Að mínu mati þarf að fjölga flokkum á þingi til þess að mismunandi sjónarmið hafi fulltrúa þar.  Ég vil því hvetja þá sem eru sama sinnis, eða vilja sjá aðra flokka á þingi, til að líta yfir listann yfir heimasíður stjórnmálasamtaka og sjá hvort það sé ekki einhver þar sem hafi stefnumál sem eiga hljómgrunn hjá lesenda og styðja við þau samtök.

Breyting kemur oftast frá almenningi.

Þörf á að endurnýja umboð þingmanna?

Ekkert skrýtið

Merkilegt að forstjóri OR skuli taka bilanatíðni 2008 fyrir.  Hann (og blaðamenn?) muna kannski ekki að þann 29. maí urðu tveir skjálftar upp á 6,3 á richter stutt frá bænum, og eftirskjálftar í einhverjar vikur þar á eftir.  Getur ekki verið að það hafi svolítið með bilanir þetta árið að gera?

Tilkynnt um bilun annan hvern dag

Kaus hann þá gegn sannfæringu sinni?

Þá var það okkar lína í Vinstrihreyfingunni – grænu framboði að heppilegast væri að spyrja þjóðina fyrst hvort hún væri reiðubúin að ljá samþykki sitt í þjóðaratkvæðagreiðslu

 

Ögmundur Jónasson kaus gegn þeirri breytingartillögu (þskj. 256) að halda bæri tvöfalda þjóðaratkvæðagreiðslu.

Merkilegt hvað margir stjórnmálamenn eru stefnufastir.

Tókust á um ESB fram á vorið 2009