Heimasíður annara stjórnmálasamtaka

Hér er listi yfir heimasíður annara stjórnmálasamtaka sem flestir vita ekki að séu til.  Ég er eflaust að gleyma einhverjum, en bæti þá við þegar eitthvað rifjast upp fyrir mér eða ég fæ ábendingu frá lesendum.

• Samtök Fullveldissinna
• Umbótahreyfingin
• Rauður vettvangur
• Kristin stjórnmálasamtök
• Frjálshyggjufélagið
• Sannkristnir íhaldsmenn (stúdentapólitík)

 

 

Ný heimasíða Besta flokksins

Félagshyggjustjórnin árs gömul

Á því ári sem nú er liðið frá því að núverandi stjórnarflokkar mynduðu minnihlutastjórn er rétt að líta um öxl og fara yfir helstu afrek þeirra.

• Ísland hefur sótt um aðild að Evrópusambandinu, en kannanir benda samt til þess að almenningur muni fella aðildina í þjóðaratkvæðagreiðslu.  Áætlaður kostnaður aðildarferlisins er 1 - 5 ma. króna.
• Skattar hafa verið hækkaðir og sett hefur verið á þriggja þrepa tekjuskattur sem mun auka tekjur ríkissjóðs og endurskoðenda.  Á sama tíma hafa útgjöld verið skorin niður, jafnvel gegn "prisippum" ráðherra.  Ég mæli með því að þeir ráðherrar athugi hvað prinsipp þýði.
• Vanda heimilana hefur verið velt á undan sér þannig að hátt í 4.000 heimili sjá fram á nauðungarsölur um næstu mánaðarmót, nema haldið verði áfram að velta vandanum á undan sér.
• Icesave.

Fleiri punktar vel þegnir.

Mörg stórmál óleyst á ársafmæli stjórnar

Allt of algengt

Hvergi hafa rafmagnstruflanir verið eins algengar og hér í Hveragerði af þeim stöðum sem ég hef búið.  Flest þau skipti sem rafmagnið hefur dottið út hefur það bara farið af hluta bæjarins, eins og í gær.  Ég held að rafmagnið hafi ekki farið af bænum nema einu sinni vegna veðurs, en þá sló eldingu niður í raflínu.  En þegar skjálftinn reið yfir hélt allt.

Aðfangadagur var mjög pirrandi, en þá datt rafmagnið í götunni hjá mér út trekk í trekk á milli fjögur og sex.  Sumir nágrannar mínir tóku sig til og fluttu jólasteikina til vina og vandamanna til að klára að elda hana.

Eftir þessa síðustu truflun er tölvan mín heima ónothæf í bili.  Sem betur fer lítur ekki út fyrir að um sé að ræða vélbúnaðarbilun.

Heitavatnslaust í Hveragerði

Hættulegasta spendýrið

Athugið hvað David Attenborough hefur að segja um ísbirni.

 

Bæti hér við youtube myndskeiði sem sýnir þann kraft sem er í fullvaxta ísbirni.

Búið að skjóta ísbjörninn

iRack?

Eða iWheel?

Mikil spenna fyrir kynningu Apple

Margfalda ræktun á nytjajurtum

Það er hægt að margfalda hér á landi ræktun á ýmsum nytjajurtum, ekki einungis jurtum til mann- og dýraeldis heldur einnig jurtum til iðnaðarnota, t.d. til framleiðslu lífeldsneytis, vefnaðarvöru og hvað eina sem framsækið fólk telur sig geta unnið úr jurtum.

Hægt að fjórfalda byggræktun

10:30

Þingfundur hefst klukkan 10:30 á föstudaginn.  Ég hvet þá sem geta til að taka sér stöðu við þinghúsið til að minna þingmenn á það að almenningur fylgist með þeim.

Alþingi kemur saman í vikulok

Tíminn vinnur með okkur

Tónninn í þessari deilu hefur breyst mikið á undanförnu ári Íslendingum í hag.  Ég tel það nokkuð ljóst að sú þróun haldist áfram, enda er ekki lengur hætta á bankaáhlaupi í Evrópu.

Ég er einn þeirra sem hef haldið því fram frá upphafi að íslenska ríkið beri enga ábyrgð þótt tryggingasjóðurinn geri það, enda er tryggingasjóður ekki ríkisstofnun heldur sjálfseignarstofnun fjármögnuð af bönkunum.

Ef þessi deila verður tekin fyrir hjá þar til bærum dómstólum er ég fullviss að þeir komist ekki að síðri niðurstöðu.

Icesave tæki eitt til þrjú ár fyrir dómstólum

Parkour

Parkour er svo sannarlega jaðaríþrótt, en hún varð fyrst þekkt eftir að kvikmyndin Yamakazi sló í gegn árið 2001.  Parkour hefur sérstaklega öðlast sinn sess í fátækrahverfum í Evrópu og hefur þaðan breiðst út.  Í byrjun þessa áratugar var töluverð sprenging í iðkun Parkour í austur-Evrópu.  Ég man sérstaklega eftir því að horfa á fréttaviðtal við nokkur pólsk ungmenni sumarið 2003, en þau gáfu nokkrar ástæður fyrir því hversvegna þau iðkuðu þessa list.  Fyrir það fyrsta var lítil sem engin aðstaða til annarar íþróttaiðkunar og ekki síðri ástæða var vegna þess að megin valkostur þeirra annar var fíkniefnaneysla eða ganga í glæpagengi.

En ég ætla að sýna ykkur tvö myndbrot.  Það fyrra er úr kvikmynd Luc Besson, Banlieue 13.

Það síðara er samansafn af myndskeiðum áhugamanna.

 

Svo má kannski bæta því við að eitthvað var ég búinn að heyra af því að Parkour væri kennt hér á landi, en ég man ekki hvar.

Kattliðugir Kínverjar

Tilkynning til félagsmanna VG

Kæru félagsmenn VG.  Nú tel ég það nokkuð ljóst að flokksráð muni ekki samþykkja þessar ályktanir grasrótarinnar.  Því bið ég ykkur velkomin í Samtök Fullveldissinna sem eiga meira sameiginlegt með ykkur en þið gætuð haldið.

Vilja hvorki ESB né AGS