25% aðspurðra telja Svíþjóð verst frændþjóða

Mikilvægt að veita Íslandi stuðning

Hvaða helv. vitleysa

Ríkisstjórnin á ekki að leita eftir samningaviðræðum fyrr en eftir þjóðaratkvæðagreiðslu.  Ekki fyrr en eftir að lögin eru kolfelld í leynilegri atkvæðagreiðslu mun samningsstaða þjóðarinnar verða eins sterk og hægt er, ef fólk vill á annað borð semja.

En ég skora á stjórnvöld sem og þingmenn minnihlutans að taka því rólega og leyfa almenningi, sem veitir þeim vald, til að tjá skoðun sína.  Ef ekki er hætt við því að almenningur taki vald sitt til baka.

Þverpólitísk nefnd um Icesave

Samningsstaðan væri sterkust ef lögin væru felld í þjóðaratkvæði

Fyrir það fyrsta ætla ég ekki að trúa því að núverandi stjórnarflokkar muni standa að því að draga lögin til baka miðað við þær yfirlýsingar sem formenn þeirra höfðu árið 2004 þegar fjölmiðlalögin voru dregin til baka.  Ef þau láta verða af því eru þau (meiri) ómerkingar orða sinna.  Að forysta Sjálfstæðisflokks eða Framsóknar styðji það kæmi mér ekki á óvart, en ég verð þó að viðurkenna það að ég var farinn að vona að einhverjar breytingar væru að gerast í Framsókn.  Það getur ekki verið að Hreyfingin styðji þetta - ég neita bara að trúa því.

Svo gæti samningsstaða þjóðarinnar ekki verið sterkari en í kjölfar synjunar laganna í þjóðaratkvæðagreiðslu - því hærra hlutfall sem segir NEI!, því betra.  Það bæði sýnir mikla andstöðu almennings og sýnir viðsemjendum okkar það að ef ekki náist ásættanlegir samningar er alltaf möguleiki á því að lög fari fyrir þjóðaratkvæði með tilheyrandi neikvæðum fréttaflutningi af þeirra málstað og tiltölulega jákvæðum af okkar.  Svo er það náttúrulega sú krafa hluta þjóðarinnar (mér meðtöldum) að það eigi ekki að semja, heldur láta vafamál fara fyrir dómstóla, til þess eru þeir.

Það að bakka með lögin er lagatæknilega í lagi, en ekki í anda stjórnarskrárnar, og mun festa neitunarvald forseta í sessi en ekki því að synjun undirskriftar leiði til þjóðaratkvæðagreiðslu.  Mér finnst þessi hugmynd vera óttalega full af yfirburðamennsku.  Ráðamenn verða að átta sig á því að þeir fá valdið frá þjóðinni og starfa í þeirra umboði, en það vald sem við veitum þeim getum við alltaf tekið frá þeim.

Jóhanna: Skynsamlegra að leysa án þjóðaratkvæðagreiðslu

Hagstofan réttari þegar kemur að alþjóðlegum samanburði

Ég hef bent á þetta af og til undanfarið ár.  Það að reikna fólk sem er í hlutastarfi með í tölum um atvinnuleysi skekkir allan samanburð, ekki bara á milli landa heldur líka við eldri tölur hér innanlands.

Skilgreiningin á atvinnuleysi í ársfjórðungstölum:

Atvinnulausir teljast þeir sem ekki voru í starfi í viðmiðunarvikunni, geta hafið störf innan tveggja vikna frá því rannsóknin er gerð og uppfylla auk þess eitthvert eftirfarandi skilyrða:
1. Hafa verið virkir í atvinnuleit sl. fjórar vikur að viðmiðunarviku
meðtalinni.2. Hafa fundið starf sem byrjar seinna, þó ekki síðar en innan þriggja mánaða.
3. Bíða eftir að vera kallaðir til vinnu.

En skilgreiningin á mánaðarlegum tölum er svo:

Tala atvinnulausra er reiknuð út frá samanlögðum fjölda
atvinnuleysisdaga hvers mánaðar deilt með meðalfjölda vinnudaga í
mánuði (21,67 dagur). F.o.m. 2001 er miðað við raunverulegan fjölda
virkra daga í mánuði við mat á meðalatvinnuleysi. Vinnuaflstölur, sem
notaðar eru til grundvallar hlutfallslegu atvinnuleysi, eru í raun
vinnuframboð (vinnuaflsnotkun auk atvinnuleysis) hvers árs skipt
eftir landshlutum í sömu hlutföllum og fjöldi vinnuvikna eftir
landsvæðum.

 

Önnur skilgreining á atvinnuleysi gefur aðra mynd

Indland er eitt af stórveldum framtíðar

Reyndar mætti segja að Indland sé í raun stórveldi í dag þrátt fyrir þá mynd sem við vesturlandabúar höfum af Indlandi.  Þetta er eitt þeirra ríkja sem býr yfir möguleikanum á að senda sína eigin gervihnetti út í geim, hefur gefið það út að þeir ætli að senda menn til tunglsins fyrir 2025 ef ég man rétt og er að taka þátt í vopnakapphlaupinu í geimnum ásamt Bandaríkjunum, Rússlandi og Kína.

Á næstu áratugum munu Kínverjar og Indverjar öðlast mun meiri vigt á heimsvísu á meðan bandarísk og evrópsk áhrif munu minnka.  Vísbendingar í þessa veru sjást glögglega í dag þeim sem það vilja sjá.

Þetta er ein af mörgum ástæðum þess að ég vil sjá íslensk stjórnvöld klára gerð fríverslunarsamnings við Kína og EFTA klára sinn við Indland.  Því miður eru fríverslunarviðræður við Kína nú á ís vegna umsóknar Íslands að ESB.

Kynnti möguleika til kvikmyndagerðar á Íslandi

Capacent-Gallup farið að þokast nær öðrum könnunum

Á bloggsíðu Samtaka Fullveldissinna hafa verið endurbirtar kannanir sem hafa verið gerar undanfarna nokkra daga og sú eina þeirra sem passar ekki við hinar er eldri könnun Capacent-Gallup.

Ég hallast að því að hún hafiekki náð réttum þverskurði á þeim tíma.

Meirihluti styður ákvörðun forsetans

Sáttartillaga mín

Ég legg til að stjórnmálaflokkarnir sættist á að leyfa lögunum að renna sinn farveg þannig að þjóðin geti fellt lögin 70/30 hið minnsta og sættist svo um að segja bretum og hollendingum að þeir verði bara að sækja málið fyrir dómstólum.  Þetta gæti þá fengið að vera prófmál um ýmsar samevrópskar reglur.  Það er ástæða fyrir því að lög og dómstólar eru til.

Í það minnsta yrði ég sáttur.

Torsótt sátt um Icesave

Áfram Ólína og Björn Valur

Þökk sé ykkur er fyrir það fyrsta fylgið við að samþykkja Icesave-lögin að minnka og hver veit nema fylgi stjórnarflokkana muni fylgja því.

Endilega ekki hætta að tjá ykkur.

Lipietz vísar gagnrýni á bug

Einmitt

Þetta hafa margir verið að reyna að benda á hér á landi, þar á meðal ég.  Því miður hefur spunadeild ákveðins stjórnmálaflokks staðið sig svo vel í áróðrinum að stór hluti íslensk almennings var farinn að taka mark á þeim.  Enn birtast greinar eftir fólk í prentmiðlum þar sem það heldur að tryggingasjóður innistæðueigenda og fjárfesta komi ríkissjóð eitthvað við.

Lipietz: Veikur málstaður

Hvað með fyrirliggjandi frumvörp?

Nú verða sennilega einhverjir ósáttir við mig, en það verður þá svo að vera.

Á Alþingi liggja nú þegar fyrir tvö frumvörp (5. 118.) um þjóðaratkvæðagreiðslur sem væri eðlilegra að klára en að setja einhver einnota lög sem gilda bara um þessa einu þjóðaratkvæðagreiðslu.  Afhverju er ekki dustað rykið af þeim, þau afgreidd úr alsherjarnefnd og reynt að ná samstöðu um raunveruleg lög um þjóðaratkvæði frekar en það einnota skrýpi sem nú er lagt fyrir?

Fundur hafinn á Alþingi