Hilmari í CCP svarað

Hilmar Veigar Pétursson, forstjóri CCP, segir í viðtali sem Miðjan vitnar í að "...þetta konsept að vera með minnstu mynt í heimi sé löngu komið á síðasta söludag".

Þetta er bara ekki rétt, skiptir þar engu þótt sama tuggan sé endurtekin í yfir áratug.  Í heiminum eru 180 mismunandi sjálfstæðir gjaldmiðlar. Sumir eru í fámennari löndum en Íslandi og fleiri í minni hagkerfum en því íslenska, sum með þjóðarframleiðslu í kringum tíunda hlut á við íslenska.

Óháð skoðunum fólks ættu allir að leitast við að nota staðreyndir fremur en gróusögur, sérstaklega þegar fólk er í viðtali við fjölmiðla.

 

Facts do not cease to exist because they are ignored.

Aldous Huxley

Dautt mál

Ef þetta frumvarp skyldi eihvernvegin komast í gegnum þingið verður undirskriftasöfnun sett í gang til að knýja málið í þjóðaratkvæði þar sem það fær endanlegan dauðadóm.

Ég hvet flutningsmenn til að draga frumvarpið til baka, ellegar þingheim til að fella það ef það nær það langt. Það er óþarfi að eyða hundruðum milljóna í mál sem er fyrirséð að verði aldrei samþykkt.

Hvetja þingmenn til að samþykkja áfengisfrumvarpið

Um innflytjendur og fordóma á Íslandi

Vegna þeirra tveggja skýrslna [1] [2] sem hafa nú komið út um málefni innflytjenda og LGBT... einstaklinga þá langar mig að tjá mig um það sem snýr að innflytjendum.

Í tæpa tvo áratugi hef ég verið viðloðandi innflytjendur frá öllum heimshornum.  Ég hef átt í persónulegum tengslum við það ágæta fólk og unnið lítillega að réttindum þeirra þannig að ég hef örlitla innsýn í þeirra heim.  Ég verð að taka undir með þessum skýrslum að helsta hindrun þeirra í að samlagast því fólki sem fyrir er á þessari eyju er skortur á tungumálakennslu, skortur á að kynna þeim sín réttindi og skyldur, og svo viðmót almennings.

Með auknu hlutfalli innflytjenda verðum við að taka okkur á, því ef ekkert er að gert munum við gera sömu mistök og skandínavísku þjóðirnar. Þeirra mistök leiddu til félagslegrar einangrunar innflytjenda og myndunar„gettó“ hverfa. Þar hafa börn þeirra svo alist upp við verri aðstæður en „innfædd“ börn og enda þau oft í gengjum vegna reiði og vonbrigða með samfélagið og ójafnra tækifæra.  Hér höfum við enn ekki séð þetta gerast að ráði þótt hæsta hlutfall innflytjenda á höfuðborgarsvæðinu búi í Breiðholtshverfi.

Hvað varðar fordóma þá er miklu meira um þá í íslensku samfélagi en flestir gera sér grein fyrir.  Að stórum hluta koma þeir vegna þess samfélags sem fólk elst upp í og fáir spyrja sjálfa sig að því hvort það sem innprentaðist í æsku eigi rétt á sér.

Að mínu mati eru Múslimar, Asíubúar og Grænlendingar það fólk sem verst finna fyrir fordómum þótt það eigi við um alla aðra, þar á meðal fólk sem er fölt á hörund og kemur frá ríkjum sem flestir tengja við kristna trú.

Ágætu íbúar þessa lands og stofnanir okkar.  Við ykkur vil ég segja að við verðum að taka okkur alvarlega á, læra af mistökum annarra þjóða og kveða niður fordóma - ekki með illu, heldur með umburðarlyndi og góðmennsku í hjarta benda fólki á hver misskilningur þeirra sé, því við viljum jú flest koma fram við aðra eins og við viljum að komið sé fram við okkur.

Að lokum hvet ég fólk, og þá sérstaklega innflytjendur og afkomendur þeirra, að tjá sína skoðun hér fyrir neðan. Hér eru allir jafn réttháir og enginn þarf að gefa upp nafn eða póstfang. Vegna eðlis þessarar færslu mun ég þó bregða út af mínum vana og loka fyrir þá sem eru með ómálefnalegt skítkast.

Austurströnd?

Alltaf lærir maður eitthvað nýtt. Ég sem hélt að Spánn lægi austur af Portúgal.

 

 

 

 

 

 

 

 

 

 

Fékk gamla sprengju í trollið

Eitt sem gleymist...

Nú er verið að lögleiða kannabis hér og þar, og mögulegt að Ísland fylgi þar á eftir þótt það gæti verið einhver tími í það. Þess vegna ættu hæstvirtir þingmenn að spyrja sig hvar eigi að selja slíkt þegar og ef að því kemur.

Ég vildi frekar sjá kannabis í einkaleyfisverslunum en í frjálsri sölu og helst á vegum hins opinbera.

Afnám einkaleyfis en ekki aukið aðgengi

Sérstakur húsnæðisstuðningur

Við breytingu laga um húsnæðisbætur voru þeir sem fá greiddar bætur frá Tryggingastofnun stungnir í bakið. Nú eru greiðslur Tryggingastofnunar taldar til tekna en ekki bóta við útreikning sérstaks húsnæðisstuðnings sem kemur öryrkjum og öldruðum sérstaklega illa. Núna eru ráðstöfunartekjur mínar rúmlega 20.000kr lægri en þær voru fyrir áramót

Vel gert Eygló Harðardóttir

Millisterk ópíumlyf

Á íslenska lyfjamarkaðinn vantar sárlega millisterk ópíumskyld lyf, að öðrum ólöstuðum. Frá kódíni og tramadol, sem eru með vægustu ópíumafleiðum, er ekkert lyf við miðlungs til miklum verkjum í boði fyrr en kemur að morfíni og sterkari verkjalyfjum, en ekkert þeirra hentar til langvinnrar notkunar þeirra sem eru verkjasjúklingar. Reyndar er framboð sterkra verkjalyfja í þessum flokki lyfja (N02A) ágætt en þau lyf eiga helst að vera notuð við miklum en skammvinnum verkjum eða á líknardeildum.

Ef einhver heilbrigðisstarfsmaður skyldi lesa þetta þá vil ég mæla því til þeirra að beita sér fyrir því að ópíumafleiðurnar tilidín og tapentadol komist á innlendan markað svo hægt sé að draga úr ávísunum á óþarflega sterk verkjalyf með þeim vandamálum sem þeim fylgja.

Tryggja fjármagn til innleiðingar nýrra lyfja

Leiðrétting á leiðréttingu við leiðréttingu RÚV.

Ef það á að bera saman rektur ríkismiðla þá hlýtur að vera lágmark að taka saman alla ríkismiðla á markaði í viðkomandi landi. Sum ríki eiga nefninlega fleiri en eitt "Ríkisútvarp" og í mismunandi rekstrarformum.
Ef þetta eru gæði einkarekinna miðla á Íslandi þá lýst mér ekkert á þau gæði. Ef grunnskólamenntaður öryrki getur fundið upplýsingar á netinu á innan við 10 mínútum sem knúa mig til að leiðrétta leiðréttinguna við leiðleiðréttingu RÚV þá er gagnaöflun fjölmiðla ábótavant.
Bendi ég þar með á að TV2 í Danmörku er í eigu danska ríkisins.

 

Ísland úr NATO, Haarde heim.

 

Leiðrétting Önnu Guðlaugar

Leiðrétting RÚV

Grein forstjóranna

Leiðrétting á leiðréttingu

Nær einungis til þeirra fyrirtækja sem eru aðilar að SA

Svona til að spara mér skrifin þá afrita ég hér texta af hinum ágæta vinnuréttarvef ASÍ:

Vinna annars staðar í verkfalli

Þann tíma sem maður er í verkfalli leggur hann niður störf til að leggja áherslu á kröfur stéttarfélags í verkfalli. Samkvæmt 18. gr. laga nr. 80/1938 er þeim sem lögleg vinnustöðvun beinist gegn óheimilt að stuðla að því að afstýra henni með aðstoð einstakra meðlima þeirra félaga eða sambanda, sem að vinnustöðvuninni standa. Þeim starfsmanni sem er í verkfalli er því óheimilt að vinna sín störf, svo og störf annarra sem eiga í verkfalli. Þetta þýðir væntanlega að maður í verkfalli getur ekki á meðan á því stendur unnið störf sem kjarasamningur hans nær til.

En hvað með önnur störf? Getur kennari, sem er í verkfalli, unnið í fiski á meðan á kennaraverkfalli stendur? Getur verkamaður sem er í verkfalli unnið í verslun á meðan á verkfalli stendur?

Í samþykktum Samtaka atvinnulífsins (SA) segir í 47. gr. að enginn félagsmaður megi ráða til sín launþega sem eru í verkbanni eða verkfalli hjá öðrum félagsmönnum.

Framkvæmdastjórnin getur ákveðið að sama skuli gilda um verkbann eða verkfall erlendis. Þegar verkfall eða verkbann verður hjá félaga innan SA skal hlutaðeigandi, ef hann telur ástæðu til eða framkvæmdastjóri óskar, senda skrifstofu samtakanna skrá yfir launþega þá sem hlut eiga að máli. Er þá heimilt að kynna það þeim félögum sem ástæða þykir til hverjir þátttakendur séu í verkfallinu.

Hömlur á því að menn fari að vinna annars staðar er fyrst og fremst að finna í samþykkum SA. Leiti menn hins vegar út fyrir samtökin um vinnu verður að telja svo framarlega sem menn eru ekki að ganga inn í störf verkfallsmanna, sé ekkert sem komi í veg fyrir að þeir sem eru í verkfalli vinni annars staðar að því tilskyldu að unnið sé skv. öðrum kjarasamningi en þeim sem vinnudeila stendur um. Þetta þarf þó að skoða í hvert skipti og reglur einstakra félaga til dæmis um greiðslur úr verkfallssjóðum kunna að geyma einhver ákvæði í þessa veru.

„Bannað að ráða verkfallsmenn“

Spurning um að tala við KNR aftur?

Samkvæmt vef KNR, grænlenska ríkisútvarpsins, þá hafa verið þónokkur tilfelli þar sem Grænlendingar hafa orðið fyrir aðkasti.

 

Efter at kvindens forsvinden blev kædet sammen med de grønlandske besætningsmedlemmer, har der været flere episoder, hvor grønlændere i Island har følt sig utrygge og chikaneret

 

Stor eftersøgning efter islandsk kvinde

Grænlensku miðlarnir mistúlka stöðuna