Björgunaráætlunin útskýrð

Þjóðverjar aðvara Grikki

Leggja niður SGS

Ég legg það til að SGS verði lagt niður, og vona að verkalýðsleiðtogar á landsbyggðinni lesi þennan stutta pistil.

SGS hefur aldrei verið annað en vettvangur til rifrilda á milli flóabandalagsins og afgangsins af verkalýðsfélögunum.  Í raun má segja að SGS hafi verið dauðadæmt um leið og flóinn sagði sig frá samstöðu verkalýðsfólks og fór að "undirbjóða" verkalýðinn á landsbyggðinni í kjarasamningum.  Það skipti fólk á sv-horninu nefnilega ekki máli hvert taxtakaupið væri því flestir fengu greidd markaðslaun.

Í öðru lagi hafa verkalýðsfélögin sjálf stækkað með þessum sameiningum sem hafa orðið undanfarin áratug eða svo, þannig að þau eru að nálgast stærð gömlu landsfjórðungssambanda alþýðusambandsins.  Nær væri að styrkja þau aftur og fara á sama tíma í gegnum lagabreytingar sem auðvelda hinum almenna félagsmanni að taka þátt í starfinu.

 

Reynt að lægja öldurnar fyrir þing SGS

Skipting þingsæta

Ef að niðurstöður kosninga yrðu eftir þessari skoðanakönnun myndu þingsæti skiptast svo:

• Framsóknarflokkur 10 þingmenn (+1)
• Sjálfstæðisflokkur 24 þingmenn (+8)
• Samfylkingin 14 þingmenn (-6)
• VG 9 þingmenn (-5)
• Hreyfingin 0 þingmenn (-4)
• Aðrir 6 þingmenn (+6)

Innan sviga er breyting frá síðustu kosningum.  Við breytingu á Hreyfingunni geng ég út frá kosningaúrslitun Borgarahreyfingarinnar, og leyfi mér að setja alla aðra saman í eitt framboð.

Nú ef við lítum á þetta aðeins raunsærra og gefum okkur það að Aðrir bjóði fram í sitthvoru lagi þannig að ekkert þeirra framboða rjúfi 5% múrinn myndu þingsætin skiptast svo:

• Framsóknarflokkur 11 þingmenn (+2)
• Sjálfstæðisflokkur 26 þingmenn (+10)
• Samfylkingin 16 þingmenn (-4)
• VG 10 þingmenn (-4)

Takið endilega þátt í minni eigin óvísindalegu skoðanakönnun hér til hægri.

Litlar breytingar á fylgi flokka

Limlestingar kynfæra

Ég vildi óska að þjóðir heimsins tækju sig saman um að banna limlestingar á kynfærum sveinbarna líkt og gert hefur verið með stúlkur.

Það eru engin heilbrigðisrök fyrir þessum ógeðfelda sið en nægileg heilbrigðisrök sem mæla gegn honum, þ.á.m. það að í forhúðinni er gríðarlegt magn taugaenda sem auka nautn karlmanna af kynlífi.

Sýnum nú af við erum jafnréttissinnuð þjóð og þrýstum á um að eyðilegging kynfæra sé ólíðandi fyrir hvort kynið sem er.

 

Bannað að banna umskurn

Haldið í stólana

Auðvitað vil Jóhanna ekki frekar en flestir aðrir sem eiga sæti á þingi að kosningar verði í bráð, þar sem fyrirséð er að núverandi stjórnarflokkar myndu missa helming sæta sinna í hendur nýjum framboðum, og stjórnarandstaðan svipað.

Fylgisfólk Samfylkingarinnar hefur heldur enga löngun til að sjá flokkinn sinn og hugmyndafræði sína rassskellta í kosningum.

En hún og aðrir mega hafa það bak við eyrað hvernig ástandið varð í janúar 2009 og ímynda sér hvort það gæti orðið verra...

 

P.s.  Takið þátt í skoðanakönnun hér til hægri.  ->

Kosningar ekki heppilegar nú

Hver ætti að vera hræddur?

Ég eins og margir aðrir hefði viljað sjá þjóðaratkvæði áður en aðildarumsóknin var send inn.  Ef það hefði verið gert hefði mátt koma í veg fyrir þær deilur sem eru til staðar núna.  Ef þjóðin hefði kosið Já, sendum inn aðildarumsókn þá væri það bara þannig.  Þá hefðu ráðamenn skýrt umboð frá þjóðinni um að hún óskaði eftir því að gerast aðilli að ESB.

Það ætti hinsvegar að hræða Össur hve mikil andstaða er við mögulega aðild.  (Sjá skoðanakannanir SI)

Fræðslan sem almenningur hefur fengið um möguleg áhrif ESB-aðildar hefur ekki heldur verið nein.  Það eina sem almenningur hefur fengið er áróður áhugamannafélaga beggja vegna.  Eins og oftast er með áróður er litlu sem engu logið, en ekki endilega sagður allur sannleikurinn.

Það fyrsta sem hefði mátt gera hefði verið að útskýra hvað aðild að ESB fæli í sér og hverjar yrðu helstu breytingar.  Þá væri miðað við að engar undanþágur fengust frá reglum ESB, undanþágur hljóta alltaf að vera bónus.  Í öðru lagi hefði mátt fara yfir sögu ESB, hugmyndafræðina sem sambandið er stofnað upp úr og svo framvegis.  Ég er ekki að segja að þetta hefði átt að gera sumarið 2009 í stað þess að sækja um aðild, þetta hefði mátt byrja strax um eða fyrir aldamót þegar "umræðan" um Evrópusambandsaðild eða ekki var farin af stað hjá áhugamannafélögunum.

En nei.  Í stað þess að ræða málin fyrst var farið beint í hanaslag og ryki þyrlað í augu almennings.  Það boðað að engin leið væri að vita hvað fælist í aðild án þess að óska eftir þeirri aðild, bent á hin og þessi vandamál hér á landi sem aðild að ESB ætti að leysa en ekkert gert til þess að reyna að leysa þau á eigin spýtur.

 

Persónulega er ég ekkert hræddur við það að Össur hlaupi áfram eins og þrífættur sjómaður á leiðinni heim, því það er nær öruggt að aðild að ESB verði felld þegar þar að kemur ef haldið verður áfram eins og hefur verið gert.  Mér þætti það hinsvegar skynsamlegra að leggja þetta mál til hliðar í stutta stund svo hægt væri að nýta fjármagn og vinnustundir í verkefni sem eru jafnvel brýnni en að bera saman lög og reglur Íslands og ESB til að sjá hvaða lögum og reglum við þyrftum að breyta ef í "augnabliks geðveiki" þjóðin myndi samþykkja aðild.

 

Össur: Andstæðingar ESB hræddir

Ábending til Guðmundar

Guðmundur og aðrir Evrópusambandssinnaðir borgaralega þenkjandi miðjumenn ættu að hafa samband við Lýðfrelsisflokkinn sem gæti verið framtíðar vettvangur fyrir þau.

 

Guðmundur úr framsókn

Grjót og glerhúsin

Það er merkilegt að ein helsta hvalveiðiþjóðin skuli vera svona illa við hvalveiðar annara.  Bandaríkin veiða árlega nokkra tugi Norðhvala, eða Grænlandssléttbaka.  Árið 2007 t.d. voru veidd af bandaríkjamönnum 63 dýr úr stofni sem er áætlaður að telji um 10.500 dýr (þ.e. dýrin við strendur Alaska)

Til samanburðar hefur stofnstærð Hrefnu í kring um Ísland verið áætluð 170.000 dýr og Langreyðs um 30.000 dýr.

Sumir hafa bjálka í augunum en bandarísk stjórnvöld viðast oft hafa heilan regnskóg í stað augna...

Aðgerðir vegna hvalveiða

Ég er efins

Ég efast ekkert um það að líf sé að finna utan jarðarinnar.  Reyndar tel ég að lífið eigi eftir að halda áfram að koma okkur á óvart og finnast á ólíklegustu stöðum.

Það sem ég efast um er að vitsmunalíf sé að finna út um allt, þá á ég við klassísku skilgreiningu vitsmunalífs.  Þróun tegundar líkri okkar þarf nefninlega alls ekki að vera viðburður sem er mjög líklegur.

Eins eru 20 ár frekar stuttur tími en fólki er frjálst að dreyma.

Hittum geimverur innan 20 ára

Ekki hættir

Þótt meðlimir LulzSec hafi ákveðið að leggja nafninu ætla þeir að halda áfram undir merkjum AntiSec, líklega ásamt fleiri einstaklingum.  Lulz virðist aðallega hafa verið sett af stað til að vekja athygli og laða fólk að.

Þetta er bara rétt að byrja.  2011 er ár hakkarans.

Grein á DailyTech.

Lulz Security leyst upp